سه‌رۆكێ پارتا ديمۆكراسى و پێشكه‌فتن ’دێڤا’ يا توركى دهی رۆژا ئه‌ينيێ راگه‌هاند كو ئه‌گه‌ر پارتێن ئوپۆزسيۆن يێن توركيا به‌ربژاره‌كێ ئێكگرتى بۆ هه‌لبژارتنێن سه‌رۆككۆمارێ توركيا ده‌ستنيشان نه‌كه‌ن، ئه‌و دێ خۆ بۆ پۆستێ سه‌رۆككۆمارى به‌ربژار كه‌ت.
عه‌لى باباجان د چاڤپێكه‌فتنه‌كا رۆژنامه‌ڤانى دا ل گه‌ل هابه‌ر تورك ئاشكراكر؛ مه مه‌رجێن پێدڤى يێن به‌ربژارێ هه‌ڤپشك يێ ئوپوزيسيۆنێ بۆ هه‌لبژارتنێن سه‌رۆككۆمارێ توركيا ده‌ستنيشان كرينه لێ تا نوكه چ ناڤ نه‌هاتينه ژێگرتن.
ناڤهاتى ديار ژى كر؛ ره‌نگه به‌ربژارێ مه ئێك ژ سه‌ركرده‌يێن هه‌ر شه‌ش پارتێن ئوپوزسيۆن بيت و ره‌نگه ژ ده‌رڤه‌ى وان بيت.
گۆت ژى “تا نوكه چ ناڤ نه‌هاتينه ده‌ستنيشانكرن و ئه‌گه‌ر پارتێن ئوپۆزسيۆن يێن توركيا به‌ربژاره‌كێ ئێكگرتى بۆ هه‌لبژارتنێن سه‌رۆككۆمارێ توركيا ده‌ستنيشان نه‌كه‌ن، ئه‌ز دێ خۆ بۆ پۆستێ سه‌رۆككۆمارى به‌ربژار كه‌م”.
هه‌لبژارتنێن سه‌رۆككۆمارى و په‌رله‌مانێ توركيا دێ ل هاڤينا سالا 2023 هێنه ئه‌نجامدان.
بلند بهجت
Comments are closed, but trackbacks and pingbacks are open.