کی ژێ مفادارە … کی زەرەر مەند ؟؟

سالح ئەرتیسی

میلیشیاتیێن شیعی یێن شوفینیێن عیراقێ، دەمێ د خازن ھێرشێ بکەنە سەر مە
بو وان نە یا گرنگە، کیژ ناوچە ل ژێر چ دەست ھەلاتە، نە یا گرنگە چ لایەنێ سیاسی تێیدا حوکم رانە، یا گرنگ بۆ وان گورزەکی ڤەوژێریتە کوردستانێ کی بەر بکەڤیت نە خەمە، ئەو ب تنێ بیر د وێ چەندێ دا دکەن کو زەرەر بەر کوردستانێ و خەلکێ کوردستانێ بکەڤیت.
ماوەیەکێ درێژە جار کێلگێن ( کار) ل سنورێ ھەڤلێرێ و نوکە کێلگێن ( کۆرمۆر) ل سنورێ سلێمانیێ د کەڤنە بەر ھێرش و کاتوش و ساروخا، ئەڤە وێ پەیامێ دگەھینن کو ڤان تروریستا دڤێت زیانێ ب گەھینە کەرتێ ( غاز و گازا ) کوردستانێ، کو ب پلە ئێک زەرەرا ھەرە مەزن ژی دێ بەر خەلکی ھەرێما کوردستانێ کەڤیت.

ێ باشە مادەم زەرەرمەندێن ئێکێ خەلکێ کوردستانێ یە بوچی، جاش و خو فروش و زماندرێژێن ب ناف چالاکڤان و مالپەر و ئەکاونتێن وان دیسا کەفتنە د خزمەتا ئیرانێ و میلیشیاتێن وان دا ؟

بۆچی ھوین ھندە دوستێن دوژمنێن خونە، دوژمنێن دوز و ئاخ و وەلات و ئالا و جڤاک و حکومەت و ھەبوونا خوەنە؟
ئەگەر ئامانجا وان مووشەکا سەر گرتبا یان سەر بگریت کی زەرەر مەندە :

• راگرتنا فرێکرنا نەفتێ دێ کارتێکرنێ کەتە سەر داھاتێ ھەرێمێ، ئەڤە ژی ئێکسەر دێ کارتێکرنێ کەتە سەر دابەشکرنا موچەی، موچەخوورێن ھەرێمێ زەرەرمەندێن ئێکێ نە، ب رەنگەکێ ئێکسەر دێ زەر ب خەلکی کەڤیت
• راگرتنا بەرھەمێ غازا (کۆرمۆر)، دێ بیتە ئەگەرێ راگرتنا فرێکرنا غازێ بو ویستگەھێن کارەبێ و کارەبا دێ دوو سێ جارا ھندی نوکە کێم بیت، د ھەمان دەم دا دێ کارتێکرنێ ل غازا مالا کەت، دیسان ب رەنگەکێ ئێکسەر خەلک زەرەرمەندێن ئێکێ نە.
• بھایێ سوتەمەنیا دێ بلند بیت، پارێ موەلیدێن گەرەکا دێ زێدەبیت،دیسان خەلک دێ زێدە پارا دەت و خەلک زەرەرمەندێن ئێکێ یە
• ئەڤ رەوشە ھەمی دێ دیسا مە توشی کێشێن ناف خوی کەن، دبیت دیسا ب بیتە ئەگەرێ قەیرانا سیاسی و ژێک دویر کەفتنا لایەنێن سیاسی، و دیسان خەلکێ مە زەرەرمەندێن ئێکێ نە
  د ھەمان دەم دا ئەڤە ئامانجا سەرەکی یا دوژمنی یە.
• ئەف جاش و قەلەم خوەش و کەنالێن سوشیالی یێ زرنایێ بو ڤان ھێرشا لێدەن و د دل خوشن ب ھێرشێن ڤان میلیشیات و تروریستا، ھەر ئەو دێ سەرێ خەلکی ژی شێلن و پشتی ماوەیەکێ دی دێ داخازا خو پیشاندنا کەن.

ئەڤ ھاوکێشە ھەمی پێک دھێن ژ زنجیرەکێ کو ھەم تروریست و ھەم میلیشیات و ھەم خوفروشێن ناف خوی ژی حەلەقەنە د ڤێ زنجیرێ دا، ئەڤان ھەمیا پێکڤە دڤێت زەرەرێ ل کوردستانێ و خەلکێ وێ بدەن.

ھەر چەندە ژ سالا ٢٠١٤ ێ وەرە ئەز ڤێ د ھەمی بابەتێن خودا د بێژم، دێ ئەف ھێرشە د بەردەوام بن ھەم ژلایێ تورکی و ھەم ژلایێ ئیرانێ و ھەم ژلایێ عیراقێ ڤە، ھێرشێن تروریست و میلیشیاتی و فشارێن ئەقلیمی دێ د بەردەوام بن تا سالا ٢٠٢٣ ژی ب دوماھیک دھێت

مە گەلەک قوناغ یێن دەربازکرین کێم یا مای بگەھینە لوتکێ، و ل سەر ھەمی لایەنێن سیاسی و خەلکێ کوردستانێ پێویستە ئێک دەست و ئێک ھەلویست و ل ژێر ئێک ئالا و ئێک بریار بین داکو ١٦ ێ ئوکتوبەرەکا دی روینەدەت.

ئەگەر ھەرێما کوردستانێ زەرەر گەھشتێ، بەری پارت و لایەنێن سیاسی، زەرەرمەندێن ئێکێ خەلکێ ھەرێمێ ب گشتی یە تایبەت تەخا ھەژار و فیداکار