گەلەك بەحس لیاسا دارستانێ (قانون الغابة) دهێتە کرن
وەکو پێناسەکا کورت بو یاسا دارستانێ وەکو ئەز تێدگەهم گیانەوەرێ بهێز گیانەوەرێ بێ هێز دخوت و بو کەسێ نینە ڕێگریێ لێ بکەت یان خو نەڕازیکەت هەکە چارەنڤیسێ وی باشتر نابیت ژ وی گیانەوەری یێ بویە قوربانی وێ یاسایێ .
ئەرێ ئەڤا لوەڵاتێ مە دهێتە ڕویدان هەر کەس بکەیفا خوبیت هەما ژ ئێکی تورە بو چەکی هەلگریت و خو دین کەت و بچیت یێ بەرامبەری خو بدەتە بەر گوللا تەلاشکەتە وێرێ هەروەکی چ چێنەبوی دەستا بهەژهینیت و بچیتە سەر ڕێکا خو یان خو بەرزەکەت .
هەکە هاتە دەستەسەرکرن ژی پشتی ڤەکولین و دانوستانەکا دیر و درێژ ئەنجامێن ڤەکولینێ دهێنە ڕاگەهاندن ئەو گونەهبار نەخوشەکێ دەرونی بو لدیف یاسایێ دێ هێتە دادگەهکرن ئەوێ هاتیە کوشتن ژی ژکیستێ بابێ خو چو .
ئێك نەخوشێ دەرونی دوو نەخوشێ دەرونی سێ چار هەمی گونەهبار نەخوشێت دەرونینە .
ئەرێ ئەف کەیسێن ژڤی ڕەنگی نە نێزکی وێ یاسایێنە یا مە ژێ گوتی ؟؟
ئەرێ هەکە چەند بڕگەکێن نوی لسەر یاسایا هەرێمێ بێنە زێدەکرن دبەرژەوەندا گشت هاوڵاتیاندابن و ڕێکارێن توند لسەر گونەهبارا بێنە چەسپاندن و ڕاستەو خو لبەرامبەر خەلکی بێنە سێدارەدان یان گوللەبارانکرن دا ببنە سەربور و عیبرەت بو هەرکەسێ خو ژیاسایێ بلندتر بزانیت و ئێدی کەس جسارەتێ نەدەتە خو بکەیفا خو تول و کەربا ژ یێ بەرامبەر ڤەکەت .
بدیتنا من بتنێ بڤێ ڕێکێ دێ شێین کونترولێ لسەر کریارێت هوڤ و دڕندانە کەین و دێ شێین ڤان جورە کریارێن ترسنوكانە بنبڕکەین و جڤاکا خو ژتیرورست و هوڤە مروڤا پارێزین .
شەریف ئامێدی 28/6/2022
Comments are closed, but trackbacks and pingbacks are open.