کەنگی دەمێ درست یێ خەوێ یە؟

ڤەکۆلینەکا نوی یا زانستی دەمێ خەوێ یێ درست بۆ مرۆڤەکێ ساخلەم دیار کر و نابیت مرۆڤ حەزا ساخلەمیێ هەبیت خەوێ ژ دەمێ دەستنیشانکری بوورینیت.

ژمارەکا زانایێن بریتانی ڤەکۆلینەک ل سەر دەمێ درست یێ خەوێ و کارتێکرنا وێ ل سەر لەشێ مرۆڤی کر و ئەنجامێن وێ لێکۆلینێ ل رۆژنامەیا هارت یا بریتانی بەلاڤ کریە.

ل گۆرەی ئەنجامان، نابیت هەر دەمێ مرۆڤ هەست ب خەوێ بکەت، بنڤیت، لێ دەمێ درست یێ خەوێ د ناڤبەرا دەمژمێر 10 تا 11 شەڤێ یە.

زانایێن بریتانی دیار دکەن کو لەشێ مرۆڤی ل دەمژمێرا بایۆلۆجی هەیە، ئەو دەمژمێرە ب رێکخستن 24 دەمژمێرێن رۆژێ دەستنیشان دکەت و لەشێ مرۆڤی پێدڤیە ل گۆرەی وێ بچیت.

هەروەسا دیار کریە کو هەر دەما مرۆڤی پێگری ب وێ دەمژمێرا لەشی یا بایۆلۆجی نەکر و بەری دەمێ دەستنیشانکری یان پشتی وی دەمی نڤست، دێ تووشی تێکدانا وێ رێکخستنا لەشی بیت و نەخوشیێن گران ڤەگریت.

ل گۆرەی ئەنجامێن ڤەکۆلینێ کو ل سەر 88 هزار کەسێن د ژیێ 43 بۆ 79 سالیێ کریە بۆ دەمێ 7 رۆژان، مەترسیدارترین دەمێ خەوێ پشتێ دەمژمێر 12 شەڤێ یە، ئەو کەسێن ل وی دەمێ درست نەنڤستین، تووشی نەخوشیان بووینە و ئەو ژمارەکا کێم یا وان کەسێن پێگری ب دەمێ درست کری، تووشی نەخوشیان بووینە.

ژ ئالیێ خۆڤە ژی تۆماس کلیکینی، رێڤەبەرێ نوشداریا خەوێ ل زانکۆیا ستەیتن ئایلەند ل نیۆیۆرکێ گۆت: ئەو کەسێن دەمێ خەوا وان یێ درست نەبیت، کێمتر ژ کەسێن دی دژین و د ژیەکێ بچویک دا تووشی نەخوشیان دبن و ژیانا خۆ ژ دەست ددەن.