[[ڪوچا ملیونی ژبیرنەڪن]]…..

✍️….محمد مراد …..

رەڤا بڪوم یا مللەتێ ڪورد ل باشورێ ڪوردستانێ،، ژ زولم و ستەما بەعسی و رژێما عێراقێ بەری 33سالە ئاسانە نەبو،، ڪێم مللەتێن دونیایێ دڪارن بڪوم برەڤن و هەست ب نەڤیانا خو بەرامبەر دەستهەلاتێ دیاربڪەن…..

دبیت رەڤا ڪوردێن باشور مەزنترین رەڤ بیت دمێژویا سەردەم دا،ڪو شیان بڪوم نەڤیانا خو بەرامبەر رژێمێ دیار بڪەن و ڪوردا ب چەند وەلاتێن دونیایێ بدەن ناسڪرن، ئەها ئەم ڪوردین و مە رژێما بەعسا زالم نەڤێت…

دهەیڤا رەمەزانا پیروزدا بو مللەت هەمی ب روژی بو،ڪەش و هەوایێ وی سەردەمی سارما و سر و باڕان و بەفر بو،،ڪەرەستێن هاتو چونێ زور ڪێم بون، سەیاره و بار هەلگر ڪێم بون خەلك ب پییا ژ دهوك و سمێل و زاخو بەرەڤ باتیفا و بێگوفا و ڪانی ماسێ و دەرڪارێ چون..

ناڤ مالی و قەسر و سەروەت و سامان و دوڪان و قەیسەریێن پری ڪەل و پەل هێلان، هەتا هندەك هەبون نەدشیان پارێ خو بهەلگرن و خلاس بڪەن،بێ نان و ئاڤ و خوارن و جلك، تنێ ئهەو جل لبەربون ئەوێن لبەڕ،،بەرەف چییایێن ئاسێ و گەلێن ڪەشان و پساغا و نزورێ ب رێڪەفتن….

هەر تو دا بێژی روژا حەشرێ و مەحشەرێ یه،بەرەف مەرگەهێ و شردێ و بلهێ ب رێڪەفتن،نال نالا پیرو ڪال و نەخوش و هەوار هەوارێت ژن و زاروڪا بەرەڤ چارەنڤێسەڪا نەدیار دچون،دەیان پیر و ڪال برێڤه مرن ڪەس نەبو خو ل ڪەسێ بڪەت خودان،، ڪەڤتن سەر سنورێن تورڪیا و چییایێن ئاسێ و بەر دەستێ چەندەرمێن بێ دلوڤان، ژن و پیر دقوتان دەیان هاولاتی ڪوشتن و سنور ڤەنەڪرن…..

لبن فشارێن نیف دووەلی و زورییا خەلڪێ تورڪا سنور ڤەڪرن، ملیونا خەلك ل بلەهێ و شردێ و مەرڪەهێ خڕڤەبون،هەر تو دا بێژی حەشره، قار قارا زاروڪا دچو بەرپەرێن ئاسمانا ژ برس و سەرما، ملیونا خه لك بێ خوارن و بێ ڪەرەستێن نڤستنێ و لبەر باران و بەفرێ مانه دوان ڪاودانێت سەخت و دژوار دا و پتر ژ سەدان زاروك و پیر و ژن، بونه قوربانی، مرن ژ سەرما و برسادا ناهێت ژبیرڪرن…

وەفاداریا ڪوردێن باڪور و هاریڪاریێن وان بو خەلڪێ مه ل شردێ و بلەهێ و مەرگەهێ سەخمەراتی دویراتیا وان دەڤەرا ژ باژێرێن ڪوردێن باڪور لێ ڪەمتەرخەمی نەڪرن ژ هنارتنا نان و جل و ڪەل و پەلێن نڤستنێ و رولێ ئەمریڪا و وەلاتێن هەڤپەیمانێت وان ژی ڪەمتەرخەمی نەڪرن ژ پاراستنا خەلڪێ و هنارتنا ڪەل و پەلێن تەنگاڤیا ب فروڪێن بارهەلگرێن مەزن و ئاڤێتنا بالەیێن خوارنێت بلەز و حاز و دورست ڪری بو ناڤ خەلڪێ ل چییای بون، ئەگەرێ سەرەڪی مللەت ژ مرنێ قورتال بت،

هەر ژ روژێن 28 /3هەتا31/ 3هەتا بریارا نیف دووەلی، یا688 دەرڪەفتی بو دروست ڪرنا دەڤەرەڪا ئارام دگوتنێ دەڤەرا (دژەفرین) بو ڪوردێن باشور و دورست ڪرنا خەتا(36) یا سنوردار ڪری ، وهاتنا لەشڪەرێ ئەمریڪی و هەڤپەیمانێت وێ بو ڪوردستانا باشور،، بو دلنییاڪرن و پاراستنا مللەتێ ڪورد ژ رژێما بەعس، ئەو خەلڪێ رەڤی جارەڪادی هند ب پییا و هند ب قامیونێت تورڪا زڤرین سەر گوند و باژێرێن خو ل دهوك و سێمل و زاخو قوناغا ڪا دی یا ژیانێ هاته دەست پێڪرن لبن چاڤدێریا ئەمریڪا و هەڤپەیمانێت وێ دا هەتا هەلبژاتنێت پەرلەمانێ ڪوردستانێ هاتینەڪرن….
هەرێما ڪوردستانێ بو خـودان پەرلەمان و حڪومەت ……