(گرنگیا دەرکەفتنا یاسایا نەفت وغازان ژپەرلەمانێ عێراقێ)

ژلایێ نڤیسەر و پارێزەر (هلات مزوری).

فرۆتنا نەفتێ ژ لایێ هەرێمێ ڤە بێی بزڤڕیت بۆ حکومەتا بەغدا ئاریشەیەکا بەردەوامە ژ 2014 وتا ئەڤرو بێی چارەسەری و ئاریشە ئاڵۆزتر بوون تا بڕیارا تەحکیما نیڤ دەولەتی ل مارسا ساڵا 2023کۆ تورکیا ئیلزام کری و هنارتنا نەفتێ ب ڕێکا مینایا جیهان یاتورکی ڕاوستاندن کۆ یا گرنگ بوو بۆ ئێمناهی یا بازاڕێ نەفتێ ئەڤەژی ب نەرێنی ل سەر هەرێمێ ڕاوستییا وگەلەک کۆمپانیێن نەفتا جیهانی کارکرین د بیرێن هەرێمێ ژ ئەمریکا وکەنەدا ونەرویج وژبەرهندێ پیشەسازی یا نەفتێ وئابوریێ گشتی ل هەرێمێ زەرەر ڤێکەفت بتایبەت ل ڤێ داویێ پێشکەفتن و گەشەپێدانەکا مازن و ڕابونەکا ئاڤاکەر ۆ سەرنجڕاکێش بۆ ئەڤا چێدبیت پێچەوانەیە و گەفا ل هەرێمێ دکەت ب تایبەت کۆ ل /15/2/2022 دادگەها فیدڕاڵ یاعێراقی بریاڕ ب نەدستوری یا یاسایا نەفت وغازان یاژمارە (22) یاساڵا 2007 یا هەرێما کوردستانێ وهەرێم پێگیرکرد ب ڕادەستەسەرکرنا بەرهەمێ نەفتێ ژ بیرێن نەفتا هەرێمێ و تێدا بڕیاردا کۆ وەزارەتا نەفتێ مافێ هەی دیڤ چونا هەلوەشاندنا گرێبەستێن نەفتێ بکەت ئەوێن حکومەتا هەرێمێ دگەل لایەنێن بیانی گرێداین وئیلزاما حکومەتا هەرێمێ د هویربونا هەمی گرێبەست ومەسەلێن دارایی وبەهرا هەرێمێ ژنەفتێ ژبودجەیا گشتی دیاربیت،وهوسا بەرهەمێ نەفتێ د بۆڕیێن هەرێمێ تووشی شکەستنەکا مازن بۆوبەغدا وهەرێم بەرەڤ گەلک چارەسەری یا چوون وخالا هەرا سەرەکی بەرپرسیارەتی یا داریی بوو هەولێر دبینت کۆ چاڤدێری یا تەکنیکی ل سەر کەرتێ نەفتێ د دەسهەڵاتا وەزارەتا نەفتا عێراقی یە ودڤێت بەغدا تەحەمولا تەکالیفێن دارایی بکەت ول بەرامبەر بەغدا دبێژت دڤێت حکۆمەتا هەرێما کوردستانێ تەحەمولا تەکالیف بکەت وهەروەسا کێشا وەرگرتنا ڕازی بونا دەستپێکی ژحکۆمەتا عێراقی کێشەک دی یە .وژبەر ڤێ چەندێ ل سەر پەڕلەمانێ عێراقێ ب هاریکاریا بەغدا و هەولێر کاربکەت ل سەر یاسایا نەفت وغازا فیدڕاڵی کۆ نەبتنێ دێ ڤێ ئاڕیشێ چارەسەرکەت بەلکۆ هەر ئاریشەکا وەکهەڤ ژ یاهەرێمێ وبەغدا د پارێزگەهێن دی یێن عێراقی ئەوێن نەفتێ بەرهەم دئینن وەک بەصرە ودیالە و ئەنبار وعەمارە ژبۆ پاراستنا میراتێ سروشتی یێ عێراقی ودابین کرنا کارێن یەکسان و وەکهەڤ ،ئەڤێ چەندێ ژی بڕیارێن وێرەک وزیرەک ژ سیاسەتمەدارێن عێراقێ پێتڤی یە ژبۆ ئاڤاکرنا بەرژەوەندی یا نیشتیمانی یا باڵا.وهەروەسا هێزا بەغدا یا گەنگەشێ دهاریکاریا دوبارە کارکرنا هێلا بوریێن تورکی عێراقی یێن کۆ ئەڤە چەندە ڕاوستیاین داکۆ دوبارە گرێبەستێن کۆمپانیێن نیڤ دەولەتی بهێنە ئیمزاکرن کۆ هەلێن وەبەرهێنانا مازن ل سەر هەرێمێ نمایشەدکەن.