خوەنیشاندان و نەرازیبوون ل ناڤخۆ و دەرڤە یا ئیرانێ ل دژی گیان ژدەستدانا ژینا ئەمینی بۆ دەمێ 12 رۆژایە د بەردەوامن و دئه‌نجامدا خوەنیشاندەرەكێ دی یێ كورد هاتە كۆشتن.
رێكخراوا هەنگاو بۆ مافێن مرۆڤی ڕاگەهاند، د بەردەوامییا خوەنیشاندانێن ئیرانێ دا، گەنجەكێ خەلكێ باژێرێ سونقور یێ سەر ب پارێزگەها كرمانشان ڤە ب ناڤێ عەلیرەزا فەتحی ژیێ وی 22 سالن د خوەنیشاندانێن باژێرێ قەزوین ب تەقەیا راستەوخۆ یا هێزێن ئەمنی هاتە كۆشتن.
د هەمان دەم دا ئاژانسا تەنسیم یا ئیرانێ بەلاڤكرییە، ب تۆمەتا هاندانا خونیشاندەران، ( فائیزا هاشمی ) كچا هاشمێ رەفسنجانی، سەرۆككۆمارێ پێشتر یێ وی وەلاتی ژلایێ هێزێن ئەمنی ڤە هاتە دەستەسەركرن.
ل دووڤ ئامارێن دوماهییێ، د خوەنیشاندانێن ئیرانێ دا ل رۆژا 16ی ڤێ هەیڤێ دەسپێكرینە هەتا نوكە 76 كەس هاتینە كۆشتن كو 19 ژوان ژ باژێرێن رۆژهەلاتێ كوردستانێ نە و زێدەتری هزار كەسان هاتینە دەستەسەركرن كو 52 ژوان ژنن.
Comments are closed, but trackbacks and pingbacks are open.