((گوتاربێژێ مزگەفتا مە))

• شەریف ئامێدی

گوتاربێژێ مزگەفتا مە ئەڤرو دخودبا خودا بەحسێ دادیێ و دابەشکرنا داهاتێ دەولەتێ و نەهێلانا گەندەلیێ و لێپرسین دگەل هەرکەسێ ژنشکەکێڤە دەولەمەندبوی بێژنێ تە ژکیڤە ئینایە ئەف مالە (من أین لك هذا)؟
سەروکێ سەنغافورە وەکو نمونە ئینا گوت دماوێ 10 سالادا ئەف مروڤە شیا وەڵاتێ خو ژهەژارترین و گەندەلترین وەڵات نمرا وی ژ 180وەڵاتێت پاشکەفتی بگەهینیتە نمرە 14 ژوەڵاتێت هەرە پێشکەفتی و دەولەمەند گوتی کەهرەبا وان شەڤ و ڕۆژە گاز و غاز و پەنزین بهەر وەیە نە بسرایە و گرانبهایە بەرمیلا گازێ لدەف وان نە ب90000 هزارایە ………….. تا دوماهیێ .

ڕۆژنامەڤانەکی پسیار ژ سەروکێ سەنغافورە کر گوتێ تو چاوا شیایی دماوەکێ کورتدا وەڵاتێ خو بگەهینیە ڤێ پێشکەفتنێ ؟ دبەرسڤا ویدا سەروکی گوت دوو بژاردە لبەردەستێ من هەبون .
بژاردا ئێکێ ؛
ئەز بخێزانڤە ببینە دەولەمەنترین مروڤ لجیهانێ و وەڵات هەر بمینیتەڤە دناڤ قەیران و گەندەلی و هەژاریەکا کوژەكدا .
بژاردا دووێ ؛
وەڵاتی هەلبێژرم کارکەم بو ئاڤاکرن و پێشکەفتنا وەڵاتی و دادیێ بەڵافکەم و داهاتێ وەڵاتی بیەکسانی بێتە پارڤەکرن و دز و گەندەل و بندیوارا نەهێلم ، من بژاردا دووێ هەلبژارت لەو ئەز شیام ڤێ بکەم یا تو دبینی ،

دیسا گوتار بێژێ مزگەفتا مە نمونەکا دی یا گەلەك گرنگ و مفادار ئینا لدور کەسەکێ هێژا و ناڤدار بدادیێ و دلوڤانیێ و ڕاستگویێ ئەوژی عمرێ کوڕێ عبدالعزیزی بو چاوا مالێ خودێ ژدەولەمەندا وەردگرت و لسەر هەژارا دابەشدکر حەتا کەسێ هەژار نەمایە لژێر سیبەرا دەستهەلاتداریا وی ، پشتی هاتیە ئاگەهدارکن کو هێشتا گەلەك مال دخزینا دەولەتێڤە مایە فەرمان لوەزیرێت خو کر گوتێ هەڕن وی مالی بدەنە بدان و دکاك ئان کو بگەنم و جەهـ و گارس و پاڤێژنە چەل و چیا دا گیانەوەر و تەیر و کەوال بخون و نەمینە برسی ، حاکمێ عادل و ڕاستگو و خودان زەمیر و وژدان ژ خودێ ترس دڤێت دهوسابن .
من گەلەك لاڤا ژخودایێ مەزن و دلوڤان کرن حاکمەکێ جوامێر و خودێ نیاس و ڕاستگو مینا سەروکێ سەنغافورە یان عەمەرەکي ژهەردوو عەمەرا لمە بکەتە خودان و مە ڕزگارکەت ژڤێ قەیران و نەهامەتیێ .

• نڤیسەرێ هێژا ئەو ناڤێ تە لخارێ هاتیە نڤیسین هەموو بابەتێن خۆ بینی ….