گولیزار سندی، جێگرا سەرۆکا لیژنا پیشەسازی ل پەرلەمانێ کوردستانێ دیارکر” ئارێ پێدڤی ژلایێ حوکمەتا عێراقێ ناگەھتە ھەرێما کوردستانێ و ل پارێزگەھێن ھەرێمێ ھێشتا تنێ ٢٥%ێ یا بەھرا ئارێ ھەیڤا ئێک یا ئەڤسالە گەھشتیە ھەرێما کوردستانێ، ئەڤە ددەمەکی دایە ل باشوورێ عێراقێ کار بۆ بەلافکرنا حسا سێی دھێتەکرن یا ئارێ بەلافکرنێ.
گولیزار سندی گۆتژی” مە پەیوەندی ب وەزارەتا بازرگانیا عێراقێ کریە و داخوازکریە مینا پارێزگەھێن ناڤەڕاست و باشوورێ عێراقێ بەھرا ھەرێما کوردستانێ بھێنە ھنارتن، بریکارێ وەزارەتا بازرگانیا عێراقێ ئەم پشتڕاستکرینە، کو ئارەکێ زۆرێ ئوستڕالی گەھشتیە عێراقێ و بەھرا ھەرێما کوردستانێ بۆ پارێزگەھێن ھەولێر و دھۆک و سلێمانی ژی زێدەتری شەش ھزار تەنێن ئارینە و دێ ھێتە ھنارتن بۆ کۆگەھێن پارێزگەھێن ھەرێمێ،
Comments are closed, but trackbacks and pingbacks are open.