ئەڤرۆ ڕێکەڤتی ٢٩ی ئادارا ٢٠٢٢ێ، ل ژێر چاڤدێرییا بەرێز گوهدار شێخۆ سەرپەرشتێ ئیدارا سەربەخۆ یا زاخۆ، بەشداری پیشانگەها شێوەکاری خۆلا دووێ یا شەهید سەلمان بوو، دڤێ پیشانگەهێدا ٧٥ هونەرمەندێن شێوەکار ،تابلۆ ، سیرامیک کو ل سەر ئاستێ هەرێمێ بەشداربوون ( زاخۆ،دهۆک،هەولێر، سلێمانی، هەلەبجە، کەرکووک).
دپەیڤەکێدا شێخۆ دیارکر، بێ گۆمان هونەر ناسنامەیا گەل و وەلاتانە، ئەم ژی ب شانیازیڤە ب هەبوونا هونەر و هونەرمەندێن خوە سەر بلندین، لەورا گەلەک گرنگە ئەم هونەر و کۆلتوورا خوە ب پارێزین و بەرەڤ پێشتر ببین و نیشانی گەل و وەلاتێن جیهانێ بدین، بەردەوامییا هونەری هەبوونا مللەتانە لسەر ڤی گەردوونی، ئەڤرۆ ئەم د سەلمینین هونەرێ مە هەبوونا مەیە، شێوەکارەکی وەکی شەهید سەلمان کو هونەرێ خوە ئێش و ئازارێن وەلاتێ خوە د کەڤالێن خوەدا نیشان ددا، لەورا ژی د ڕێییا هونەرێ وەلاتێ خوەدا لسەر دەستێن حکومەتا بەعسا ژ ناڤچوویی شەهید بوو.
گووتژی، سەرکەڤتنێ بوو هەموو هونەرمەندێن کوردستانێ دخوازین، و سەرێ مالباتا شەهید سەلمان ژی ساخبت.
ڕاگەهاندنا
ئیدارا سەربەخۆ یا زاخۆ
پامنێرێ زێ بادینان
سەلاح سندی / زاخو
٢٩ ی ئادارا ٢٠٢٢
Comments are closed, but trackbacks and pingbacks are open.