دكۆمبوونا خۆ یا ڕۆژا ئێكشەمبی ڕێكەفتی دوویی كانینا دوویێ دا، بزاڤا گۆڕان دەستەیەكا حەفت كەسی بۆ بڕیڤەبرنا بزاڤێ هەلبژارد و لیژنا بلندا كۆنفرانسێ نیشتمانی كاراكر، داخواز ژی هاتەكرن دەستەیا بڕێڤەبەرنێ و لیژنا بلندا كۆنفرانسی دەست ب بەرهەڤیان بكەن بۆ هندێ ل نێزیكترین دەم بزاڤا گۆڕان دووەم كۆنفڕانسێ خۆ یێ نیشتمانی بۆ پێداچوون و خۆ ڕێكخستنێ ساز بكەت.
د ڕاگەهاندنەكێدا، جڤاتا نیشتمانییا گۆڕان ئاماژی ب وێ چەندێ كرییە كو، پشتی زنجیرەكا روونشتن و دانوستاندنان، ل ڕۆژا ئێكشەمبی جڤاتا نیشتمانی كۆمبوونا خۆ سازكر، ئەو كۆمبوونە درێژی پێدانا روونشتن و دانوستاندنێن پێشتر بوو، و بڕیار هاتەدان دەستەیەكا حەفت كەسی ب نوونەراتییا جڤاتێن نیشتمانی، گشتی، سێ كەس ژ هەوادارێن دیارێن دەرڤەی جڤاتان بهێنە هەلبژاردن، كو بریتینە ژ (هشیار عومەر، نزار محەمەد، هاورێ كاوە، دلشاد مەجید، گەیلان شێخ عومەر، د.تاها حەمە عەزیز و شوان قلیاسانی).
دكۆمبوونێدا وێ دەستەیێ باوەریا جڤاتا نیشتمانی و لیژنا بلندا كۆنفڕانسی وەرگرت، و دێ دەست ب بەرهەڤیێن خۆ كەتن ژبۆ سازدانا دووەم كۆنفڕانسێ نیشتمانیێ بزاڤا گۆڕان كو ئارمانج ژێ پێداچوون و خۆ ڕێكخستنە.
ل گورەی ڕاگەهاندنا جڤاتا نیشتمانییا گۆڕان، د دووەم كۆنفڕانسێ خۆدا بزا دێ بەرنامێ خۆ یێ سیاسی دبوارێن جیاوازدا نووی كەت و پێداچوونێ د دەستوورێ خۆ یێ رێكخراوەییدا كەت و پلاتفۆرما هەلبژاردنێن پارێزگا و هەرێمێ و عیراقێ هەڵسەنگینیت، دیسان دێ كارێ تیمێن وێ بزاڤێ د حكومەت و نوونەرێن وێ د دەزگەهێن هەلبژاردناندا هێنە هەڵسەنگاندن.
Comments are closed, but trackbacks and pingbacks are open.