گەنجەکی د ناڤ بازاڕێ شێلادزێ خوە سۆت

گەنجەکێ شێلادزێ د ناڤ بازاڕیدا ئاگر بەردا خوە و پاشان گیانێ خوە ژ دەست دا.

ژێدەرەکێ تایبەت ل نەخوشخانا ئامێدیێ بۆ ئاژانسا خانی راگەهاند: گەنجەکێ شێلادزێ دوهی ب شەڤ دەمژمێر 2:00 ب ناڤێ حەسەن حازم ژ ئەگەرەکێ نەدیار ئاگر بەردا خوە و دەمژمێر 3:30 خولەک گەهاندییە نەخۆشخانا ئامێدیێ، پاشان هاتە رەوانەکرن بۆ نەخۆشخانا دهۆکێ، لێ ژبەر گرانییا برینێن وی گیانێ خوە ژدەست دایە.

ژلایێ خۆڤە، عەبدوللا رێکانی، هەڤالێ وی و شاهد حالێ روودانێ بۆ ئاژانسا خانی گوت، هەڤالێ وی حەسەن حازم د ژیێ نێزیکێ 25 سالیێ دابوو، ل دووڤ زانیارییێن وی، ژ ئەگەرێ خرابییا ڕەوشا وی یا ئابووری هەڤالێ وی، ئاگر بەردا خوە و پاشان گیانێ خوە ژ دەست دایە.

زێدەتر گۆت، ئەڤ گەنجە ساڵەکە خێزان پێکئینایی و زارۆیەک ژی هەیە و کرێدارە، هەر د ناڤ بازاڕێ شێلادزێدا ئەگر بەردا خوە و گیانێ خوە ژ دەست دا.