گەنجەکێ دەڤەرا ئاکرێ ئاگر بەردا خوە و گیانێ خوە ژ دەست دا

ل گردەسێن گەنجەکێ خوە سوت و گیانێ خوە ژ دەست دا گەنجەکێ دەڤەرا ئاکرێ، ئه‌ڤرۆ 2-12-2021 ل ده‌مێ نیڤرۆ ئاگر بەردا خوە و گیانێ خوە ژ دەست دا، شاهد حالەک ژی ددەت دیارکرن کو ئەوی گەنجی نەخۆشیا دەرونی هەبوویە و دبیت ئەگەرا خوە سوتنێ ژی ئەو بیت.شاهد حالەکێ کو نەڤیا ناڤێ خوە بێژی بۆ ئاژانسا خانی گوت، ئەڤرۆ نیڤرۆ گەنجەکێ ل سەنتەرێ ناحیا گردەسێن یا سەر ب قەزا ئاکرێ ئاگر بەردا خوە و گیانێ خوە ژی ژ دەست دا.زێدەتر گوت، ناڤێ وی گەنجی (هادی حەسەن) ـە و ژیێ وی 28 سالن و هەر ل مال ئاگر بەردایە خوە و کەس ژی ل مال نەبوویە کو رزگار بکەت، لدووڤ پێزانینان ژی ئەو گەنجە دەمەکە تووشی نەخوشیێن دەرونی بوویە ودبیت هەر ئەڤە ژی ئەگەر بیت.د دەما 24 دەمژمێرێن بوری ئەڤە دبیتە روودانا دوویێ یا خوە سوتنێ ل سنورێ پارێزگەها دهۆکێ.