،بەشێ دوێ:
ژلایێ پارێزەر ونڤیسەر (هەلات مزوری):
ب ئەگەرێ پەروەردا نەدروست چ ل ماڵ بیت یان قوتابخانا یان زانکۆیا یان پەیمانگەهان یان حزب و پەرلەمانا ئەو کەسێ حوکمی دکەت پاراستنەکا (حصانة) سیاسی هەیە خۆ ئەگەر فاسق بوو یان زۆڵم کرد وباب و هەڤژینی ژی پاراستنەکا ئەخلاقی وڕەوشەنبیری یا جڤاکی وعورفی هەیە ئەگەر فاسق بو یان زۆڵم کرد، ئەو بابێ هیڤی یێن کچاخۆ دشکێنیت وکەرامەتا وێ ژێدبەت وکەسایەتی یاوێ لادەت دێ هەر مینت ڕێزدار دناڤ خەلکی دا ول هەمی جهان لجیهانێ ،
ئەو زەڵامێ خیانەتێ ل هەڤژینا خۆ دکەت گەلک جاران دگەل خزمەتکارەکێ ل هۆتێلێ یان سکرتێرەکێ ل مەکتە باخۆ چ بێ ڕێزی ل جڤاکی دا بۆ ناهێت بەداخەوە نێرینی یاوی مازنتر لێ دهێت هەمی گلەو گازندا دانە بە رئافرەتا کەتیە بەر شەهوەتا وی چونکی چ عەیب ل زەڵامی ناهێت کرن بەریکاوی نە بت ودێ هێتە دانان نەزوە و وژ سروشتێ زەڵامی یە ب هەمی لاپەڕو پێنوسان وعورف و ڕەوشەنبیریا ودا کۆ شەهوەت پڕ نەبن د ڕویێ زەڵامی دا دێ ژن هێتە ئامۆژگاری کردن کۆ نەزەواتن دهێن و دچن بۆ زەڵامی باشترە ژ خڕاب کرنا ژیانا هەڤژینیێ!!!!!
وتانوکە هیچ یاسایێن دەولەتی ونیڤ دەولەتی نینن زەڵامەکی سزا بدەن لسەر خیانەتا هەڤژینیێ یان گەندەلی یا سێکسی ئەم پێتڤی ب شۆڕەشێن هزری نە لسەر گەندەلی یا ئەخلاقی و سیاسی وڕاگەهاندنێ و پەروەردێ و هەرێمی و نیڤ دەولەتی و گشتی و تایبەت . وزەمان نازڤڕیت بۆ بەری شۆڕەشان کۆ ژیان ل سەر پویچ کرنا ئەردی و ئافرەتا وهەژاران بیت دبیت شکەستن ڕێ و ڕەسما درەنگ بکەت لێ پا هوشیاری ناشکێت بۆ بێ هوشیاری بونێ حەژێکرنا عەدالەتێ و ئازادیێ ناشکێت بۆ حەژێکرنا زۆڵمێ و قەهرێ.
زێیێ بادینان.. شیراز چاربۆتی.
Comments are closed, but trackbacks and pingbacks are open.