رێڤەبەرێ راگەھاندنا وەزارەتا پێشمەرگەی راگەھاند کو یەکەیێن لەشکەریێن ھەڤپشک د نێڤبەرا ھێزێن پێشمەرگەی و لەشکەرێ عیراقێ دا دێ ھێنە پێکئینان و ئارمانج ژ وێ ھێزێ ژی پاراستنا ئێمناھی و ئاسایشا دەڤەرێن ناکۆکی ل سەر و دبێژیت : ھەڤکاریا بەردەواما ئەمنی و ھەواڵگیریا د نێڤبەرا ھێزێن پێشمەرگەی و لەشکەرێ عیراقێ دا ھەیە ل ژوورا ئۆپراسیۆنێن ھەڤپشک .
عوسمان مستەفا رێڤەبەرێ ڕاگەھاندنا وەزارەتا پێشمەرگەی بۆ ئاژانسا ھەواڵیا عیراقێ خۆیا ژی کر، کو ئۆپراسیۆنێن ھەڤپشک دەست ب کارێن خۆ کریە و رۆژانە زانیاریێن گرنگێن لەشکەری و ھەواڵگیری د ناڤبەرا ھەردوو ئالیان دا ب بەردەوامی دھێنە ئاڵۆگور کرن.
رێڤەبەرێ راگەھاندنا وەزارەتا پێشمەرگەی ئاماژە ب ھندێ ژی کر ، کو د نھا دا پلان ھەیە بۆ پێکئینانا ھێزا لەشکەریا ھەڤپشک د نێڤبەرا لەشکەرێ عیراقێ و ھێزێن پێشمەرگەی دا ل دەڤەرێن ناکۆکی ل سەر و تێدا ئەمنیەت و ئاسایشا وان دەڤەران بھێتە پاراستن ب رێیا وێ ھێزا لەشکەریا ھەڤپشک .
Comments are closed, but trackbacks and pingbacks are open.