چیان مھدی :
توند وتیژی بتنێ کێشا تاکەکی نینە، کو تاکەک کەسەک چارەسەر بکەت، بەلکو ئەو کێشەکا مەزنا جڤاکی یە و پەیوەندیا ب بەرنامێ حکومەتێ و میدیایێ و پەروەردێ و رۆلێ زەلامێن ئاینی و رێکخراوێن نەحکومی یێن بوارێ مافێ ئافرەتێ ڤە ھەی،
راستە ئەم وەکو ئافرەت داخازێ دکەین مافێن مە پێشێل نەکەن، یان بەرھنگاری توندوتیژیا دژی ئافرەتان ببن و رێک پێ نەھێتە دان، لێ کێشە یا جڤاکی یە ب گشتی و ئافرەت قوربانی یە.
لەوما دبێژم ئاڤاکرنا سیستەمەکێ ھزریێ ئاشتیخواز بۆ بدەستڤەئینانا مرۆڤەکێ ساخلەم دژی توندوتیژی تا رادەیەکێ زەحمەتە ،
چونکی مرۆڤ رۆژانە دناڤ کۆمەلگەھێ دا تووشی چەندین جۆرێن توندوتیژیێ یێن نەدیار دبیت، بۆ نموونە دیاردا کۆچکرنا گەنجان ئەگەرێ نەبوونا کاری، ئەرێ ما ئەو ژی نە جۆرەکێ توندوتیژییێ بەرامبەر ئافرەتێ دھێتە کرین؟
دھەر کێشەیەکا جڤاکی دا ئافرەت قوربانی یە، ئەگەر کێشا کوچکرنا گەنجان وەرگرین راستە پتریا کەسێن دچن ژ رەگەزێ نێرن، لێ یا راست ئافرەت قوربانی یە، ژبەرکو کارتێکرنا ئێکسەر لسەر ئافرەتێ دکەت، ژلایەکیڤە ئەوێن دچن پتریا وان گەنجن و ھندەک ژوان خودان خێزانن، ئەو بارگرانی رێڤەبرینا مالێ دکەڤیت سەر ملێت ھەڤژین و دەیک و خووشکا، ژلایەکێ دیڤە، چوونا رێژا زێدە یا گەنجان کارتێکرنێ دکەت ل زێدەبوونا ریژا کچان ل بەرانبەر کوران، ئەڤێ یەکێ ژی کارتێکرنێن جڤاکی ھەنە ،
ئانکۆ ھەر کیشەیەکا جڤاکی ھەبیت کارتێکرنا وێ لسەر ئافرەتان ھەیە.
- نڤیسەرا هێژا بابەتێن خۆ یێن هاتینە بەلاڤکرن هەموویان ببینە لخارێ ناڤێ تە هاتیە نڤیسین ڤەکە ناڤێ خۆ ببینە ….. دگەل رێز
Comments are closed, but trackbacks and pingbacks are open.