ھەولێرێ ئامادەییا خۆ بۆ ھەمی ھەڤکاری و ھاریکارییان بۆ سلێمانیێ دیارکر

ئومێد خۆشناو، پارێزگارێ هەولێرێ ھەڤخەمی و پشتەڤانییا ھەولێرێ بۆ سلێمانییێ دیارکر.

ل گۆرەی راگەھاندنەکا راگەھاندنا پارێزگەھا سلێمانییێ، پشتی روودانێ ئومێد خۆشناو، پارێزگارێ ھەولێرێ د پەیوەندییەکا تەلەفۆنی دا دگەل ھەڤال ئەبوبەکر، پارێزگارێ سلێمانیێ، پرسە و سەرەخۆشی و ھەڤخەمییا خۆ بۆ مالبات و کەسوکارێن قوربانییێن روودانا نەخواستی یا ئێڤارییا ئەڤرۆ ل باژێرێ سلێمانییێ دیارکر، کو ژ ئەگەرێ پەقینا غازێ روودایە و ھیڤیا زووی ساخبوونێ بۆ برینداران خواست.

د راگەھاندنێ دا ھاتیە، پارێزگارێ ھەولێرێ د وێ پەیوەندیێ دا، “ئامادەییا ھەولێرێ بۆ ھاریکاریا ھەر چ یا پێدڤیێ ژ لایێ تیمێن ساخلەمییێ و ھەوارچوونێ و بەرەڤانییا باژێری ڤە دیارکریر بۆ ھاریکارییا زیانڤێکەفتییان.”