ڤه‌كولینه‌كا ژ لایێ زانینگه‌ها “ئێكستر” یا بریتانی ڤه هاتیه ئه‌نجامدان گه‌هشته هندێ كو ئه‌نجامدانا یارییا ته‌پاپێ ژ لایێ سنێله‌یان ڤه ، شیانێن گه‌شه‌یا هه‌ستییان ل ده‌ڤ وان باشتر لێ دكت.
و ماموستایێ هه‌ستییان ل زانینگه‌ها ناڤهاتی د.لویس گراسیا ماركو د به‌یاننامه‌یه‌كا رۆژنامه‌ڤانی دا گوت كو سنێله‌یی ده‌مێ سه‌ره‌كییه بۆ گه‌شه‌كرنا هه‌ستییان، و ده‌مێ مرۆڤ دگه‌هته ژیێ پێگه‌هشتنێ پێنج سالێن دویڤ دا گرنگییه‌كا زینده‌یی یا تایبه‌ت یا هه‌یی.
و ڤه‌كولینا د گوڤارا “ڤه‌كولینێن هه‌ستی و كانزایان” دا هاتیه به‌لاڤكرن رابی ب هه‌ڤبه‌ركرنا 116 زارۆكێن ژیێ وان دناڤبه‌را 12 و 14 سالیێ دا، و ئه‌ڤ زارۆكه یاریكه‌رێن ته‌پاپێ و مه‌له‌ڤانكه‌ر و پایسكلسیار بین، دگه‌ل هنده‌ك زارۆكێن وه‌رزشێ ئه‌نجامنادن.
د ئه‌نجامان دا دیار بی كو زارۆكێن وه‌رزشێ ئه‌نجامددن هه‌ستیێن باشتر و بهێزتر هه‌بین، ژ وان زارۆكێن وه‌رزشێ ئه‌نجامنادن.
و سه‌رۆكێ پشكا زانستێن ساخله‌می “دیمیتریس فلاشوبولوس” ژی گوت ” ب ڤان ڤه‌كولینێن مه، بۆ مه ئه‌و چه‌نده ژی دیار بی كو ئه‌نجامدانا یارییا ته‌پاپێ ب شێوه‌یه‌كێ باشتر گه‌شه‌یا هه‌ستییان چالاكر، ب هه‌ڤه‌بركزرن دگه‌ل مه‌له‌ڤانی و پایسكلسیاریێ”.
Comments are closed, but trackbacks and pingbacks are open.