دلــوڤــان ئــەمــجــەد بــارزانــی
ئێکە ژ داب و نەریتێن کەڤنێن کۆمەلگەھا کوردەواری کو ھەر ل دەستپێکا کوردینێ دا ل سەردەمێ (شێخ عبدالسەلام بارزانی و شێخ ئەحمەدێ بارزانی ) گرنگیەکا زۆرا پێ ھاتیە دان ب ژینگەھی و پاراستنا ئەڤی سروشتێ جوان و بالکێش قەدەغەکرنا برینا دار و باران وەکی دار بەری و دار مازی و کەزان و ھەر دارەکا تەر کو جوانیێ ب سروشت و ژینگەھی بگەھینیت .
ھەرێما کوردستانێ ھەر د کەڤن دا نموونەیا ژینگە پارێزیێ و پێکڤە ژیانێ و ھەبوونا سروشتەکێ جوان بویە ل سەر ئاستێ روژھەلاتا ناڤین ب تایبەتی و جیھانێ ب گشتی .
ژبەر جوانیا سروشتێ ھەرێمێ و ھەبوونا گەلەك جھێن گەشتیاریێن بالکێش کو سەرنجا گەشتیاران بخو رادکێشیت ب تایبەتی یێن بیانی .
لەوما دڤێرەدا ئەز داخازێ ل ھەمی خەلکێ خو دکەم و داخازێ ل ھەمی وان کەسان دکەم ئەڤێن سەردانا جھێن گەشتیاری دکەن بو ب سەربرنا دەمێن خوش و دناڤا ڤی سروشتێ جوان دا بو دەمەکێ ھەست ب دل خوشی و ئارامیێ دکەن ، پاك و خاوێنیا ژینگەی ب پارێزن دەمێ ل گەشتا خو ب دوماھیك دھێن پاشماوێن خو ل دیف خو نەھێلن و راکەن دگەل خو ببەن و بدانێنە جھێن مەبەست دا ئەو کەسێن ل دیف وان ژی را دھێن و سەردانا جھێ وان بکەن ب پاك و خاوێنی ڤان جھان ببینن و ئەو ژی ژینگەی ب پارێزن .
چونکی ئەڤ پاشماوێن گەشتیار ل دیف خو دھێلن ل جھێن گەشتیاری سەرەرای ھندێ کو دبنە ئەگەرێ پیس بوون و ناشرین کرنا ژینگەی و جھێن گەشتیاری ، دھەمان دەم دا دبنە ئەگەرێ ژناڤبرنا چەندین جورێن گیایان و رووەکان ، ھەروەسا دبنە ئەگەرێ ژناڤبرنا چەندین جورێن گیانەوەران مە گەلەك جاران یێت دیتی چەندەھا گیانەوەرێن بویە قوربانی و ئەو جھێن ئەڤ کرشە لێ مای یێ بویە ئەگەرێ ژناڤبرنا گیایی .
_ بوچی ئەم ببینە ئەگەرێ ژناڤبرن و پیسکرنا ڤی سروشت و ژینگەیێ جوان ؟
_ بوچی ئەم ب دەستێن خو وەلاتێ خو پیس بکەین ؟
لەوما پاراستن و پاك و خاوین راگرتنا ژینگەی ئەرکەکە ل سەر ملێن ھەر تاکەکێ کومەلگەھێ .
ئەرکێ مەیە ئەم ژینگەھێ خو وەکی مالا خو ب پارێزین .
پاراستن و پاك و خاوین راگرتنا ژینگەی ئەرك و ئەخلاقە .
پاراستن و پاك و خاوین راگرتنا ژینگەی نیڤەکا ئیمانێ یە ، لەوما پێدڤیە پاك و خاوین رابگرین و ئەرکێ مە ھەمیانە ژینگەی ب پارێزین .
ئەز وەك گەنجەکێ ژینگە دوست داخازێ ل ھەمی کەسان دکەم کو پاك و خاوین راگرتنا ژینگەی ب پارێزن .
وەرن ئەم ھەمی پێکڤە ژینگە دوست بین و پاك و خاوین راگرتنا ھەمی جھێن گەشتیاری ب تایبەتی و ھەرێما کوردستانێ ب گشتی ب ئەرکێ خو بزانین .
وەرن ئەم مللەتێ کورد ھەمی پێکڤە وەلاتێ خو ئاڤا بکەین ، جوانیا سروشتێ خو نیشا جیھانێ بدەین .
وەرن ئەم ھەمی پێکڤە جارەکا دی ب سەلمینینەڤە کو ھەرێما کوردستانێ نموونەیا ژینگە پارێزیێ یە ل روژھەلاتا ناڤین و جیھانێ .
دوماھیکێ جارەکا دی داخازێ ل ھەمی خەلکێ کوردستانێ دکەم کو پاکو خاوێنیا ژینگەی ب ئەرکێ سەر ملێن خو بزانن و نەبنە ئەگەرێ تێکدان و پیسکرنا سروشت و ژینگەھی و جھێن گەشتیاریێن ھەرێما کوردستانێ ..
Comments are closed, but trackbacks and pingbacks are open.