▪ ئالبێرت پایك

كەمال كوردی
ئەو نووسەرەی شەڕی یەكەمی جیهان و تا شەڕی سییەمی جیهانیشی پیشبینی كرد.
ئالبێرت پایك لە 29ی كانوونی یەكەمی 1809 لە دایك بووە و لە 2ی نیسانی 1891 كۆچی دوایی كردووە،كەسێكی سەربازی و خەڵكی ویلایەتە یەكگرتووەكانی ئەمریكایە، پارێزەر و نووسەر و فراماسۆنێكی(ماسۆن)بەناوبانگ بووە و ئەو نووسەری شاكارە بەناوبانگەكەی فراماسۆنە بەناوی( ئەخلاقیات و دەمارگیری واتا ڕەوشت و دەمارگیری .

نامەی ئالبێرت پایك بۆ گیسپپە مازینی لە ساڵی 1872:
پڕۆژەی ئیلۆمیناتی بۆ شەڕە جیهانیەكان و شەڕی سێیەمی جیهانی. ئالبێرت پایك ماسۆنێكی پلە سی و سێ بوو.پایك ئەو ئیلهامە وێنەییانەی كە هەیبووە لە نامەیەكدا گەیاندووتە گیسپپە مازینی.لە ڕاستیدا پایك چونیەتی پلاندانان و دروست كردنی شەڕە گەورەكانی كە لە ئەنجام و لە كۆتاییدا دەبێتە هۆی بە دی هاتنی ڕێكخستنی نوێی جیهان(NWO) باس كردووە و سەرتان سووڕدەمێنێ و پەنجە دەگەزن كاتێك بزانن كە هەموو ئەو شتەی تا ئێستا ڕوویداوە رێك لە گەڵ ئەم ئیلهامات و پلانەكانی پایك یەك دەگرنەوە!!!
لە ڕاستیدا ئەم نامەیە لە پەرتووكخانەی موزەخانەی شاهانەی ئینگلیزستان بەردەست بووە و لە لایەن سەرۆكی هەواڵگەری پێشووی هێزی دەریایی شاهانەی كەنەدا بەناوی”گای كارل”كۆپی كراوە.هەڵبەت خودی موزەخانە بوونی نامەیەكی لەو جۆرەی ڕەت كردووتەوە بەڵام خودی كارل لە پەرتووكەكیدا بەناوی”شەیتان شازادەی ئەم جیهانە”پشتڕاستی دەكاتەوە كە خاوەنی ئێستای ئەم نامەیە پێیگووتووە كە لەو كاتەدا ئەم نامەیە لە ناو كەتەلۆگی دارایی و سامانەكانی موزەخانە تۆمار نەكاروە و نەنووسراوەتەوە و باسی لێوە نەكراوە.” كارل”ئەم قسەیەی لە ساڵی 1925 دا باس كردووە..هەڵبەت تا ئێستاش هیچ قسە و باس و بابەتێك لەسەر ڕاستی و دروستی یانیش ناڕاستی لەسەر بوونی ئەم نامەیە لە ئارادا نییە،بەڵام مەسەلەكە ساڵانێكە لە نێو خەڵكە جیاجیاكاندا مشتوومڕی لەسەر دەكرێت.
ئێستاش با بگەڕێینەوە بۆ ناوەڕوك و دەقی نامەكە و لەوەی كە چۆن پلانی سێ شەڕی جیهانی لە ساڵانێكی زۆری بەر لە ڕوودانیان داڕێژڕاوە.

• یەكەم شەڕ پێویستە هەڵبگیرسێندرێت بۆ ئەوەی ئیلۆمیناتیەكان بتوانن سیزاری ڕووس لەناو ببەن و ئەو شوێنە بگۆڕن بە شوێنیكی دژە كۆمۆنیزمەكان.
  لێكترازان و ئەو ناكۆكیانەی كە لە لایەن بریكارو كارمەندانی ئیلۆمیناتی لە نێوان ئینگلیزستان و ئەڵمانیا دروست دەبێت ئا ئەمە دەتوانێت پریشكی ئەم شەڕەی هەڵگیرسێنێت. لە كۆتاییدا شەڕی كۆمۆنیزم دەخوڵقێت بۆ ئەوەی لە حكوومەت و دەسەڵاتەكانی دیكە بدات و ئایین و مەزهەبیشی لاواز بكات.مێژوو ناسان دەزانن كە پەیمانی یەكێتی و یەكگرتنی سیاسیی نێوان ئەڵمانیا و ئینگلیز لە نێوان ساڵانی 1871 و 1898 دا لە لایەن”وان بیسمارك” یەكێك لە هاوڕێ و یاوەرانی “پایك” بەسترا هەر ئەمەش بووە هەوێن و بیانۆی بەرپا بوونی شەڕی یەكەمی جیهانی.
• پێویستە شەڕی دووەم بە سوود وەرگرتن لە ناكۆكیەكانی نێوان فاشیستەكان و سیاسەتمەدار زایۆنیەكان هەڵبگیرسێت.پڕۆسەی شەڕ دەبێت بە جۆرێك بێت كە لە كۆتاییدا نازیسم لە ناو بچێت و سیاسەتوانە زایۆنیەكان بەڕادەیەك بەهێز بن بۆ ئەوەی بتوانن وەڵاتی ئیسرائیل لە فەڵەستیندا دامەزرێنن.لە كۆتایی شەڕدا پێویستە كۆمۆنیزمی جیهانی بە جۆرێك بە هێز بیت بۆ ئەوەی لە گەڵ مەسیحییەتی جیهانی هاوسەنگییەكی هێز دروست بكات.دواتر دەبێت كۆنترۆڵ بكرێت بۆ ئەوەی لە كاتی دیاریكراودا ئێمە بۆ دروست كردنی دوایین گۆڕانكاریە لە ناكاوەكانی جیهانی كەلكی لێوەرگرین.
  دوای شەڕی دووەمی جیهانی كۆمۆنیزم خێرا و بەتووندی بەهێز بوو و دەستی بە قووتدانی وەڵاتە لاوازەكانی كرد.بە جۆرێك كە لە ساڵی 1945 لە كۆنفرانسی”پاتس دام”دا كە ستالین ترۆمەن و چەرچیل تێیدا بەشدار بوون،بەشێكی گەورەی ئەوروپا درا بە ڕووسیا.
  هەروەها ڕەنگە هەندێ كەس ئەم ڕەخنەیە بگرن كە لە ساڵی 1872 نە زایۆنیزم و نە نازییەكان بوونیان نەبووە.بەڵام دەبێت ئەم مەسەلەیەمان بەرچاوبێت كە ئیلۆمیناتیەكانی ئەم بزوتنەوانەیان خوڵقاند و داینامەزراند. هەروەها سەرچاوەی دەستە واژە و ئایدۆلۆژیا و ڕێبازی كۆمونیزم لە شۆڕشی فەرەنسی كە لە ساڵی 1785 بەرپا بوو و تەنانەت چوار ساڵی بەری شۆڕشەكەش هەبووە.
  سێیەمین شەڕو جەنگ پێویستە بە هۆی بریكار و كارمەندانی ئیلۆمیناتی و بە سوود وەرگرتن لە ناكۆكیەكانی نێوان سیاسەتوانە زایۆنی و لیدەر و سەروكەكانی جیهانی ئیسلامی ڕێك بخرێت، كە لاقێكی ئەم شەڕە ڕێبەر و سەرۆكەكانی ئێران و تووندڕەوە شیعەكانن.. شەڕ یان جەنگ دەبێت بە جۆرێك بێت كە هەر دوو لایەنی ئیسلامیە عەرەبەكان و ئیسرائیلیەكان بەتەواوی یەكتر لەناو ببەن. لەم ماوەیەدا لە سەر مەسەلەی جەنگ وەڵاتەكانی جیهانیش دەبن بە دوو دەستە و تاقم و گروپ بۆ ئەوەی توونا بوون و لەناوچوون و داڕمانی تەواوی ئابووری و ڕەوشت و ……هتد بەرەو پێش بەرن.دوای ئەوەیش بانگەشەی مانهیلیزمی پووچگەرایی و بێ خوایی بوون دەكەن و بڵاوی دەكەن و دواتریش بە گۆڕانكارییەكی كۆمەڵایەتیی جیهانی و بەربڵاو و بەهیز تەشەنەی پێدەدن و هێز و دەسەڵاتی بێ خوایی و كوفر پێشانی خەڵكی جیهان دەدەن كە ئەمە خۆی لە خۆیدا دەبێتە سەرچاوەی هەموو دڕەندیی و وەحشیگەری و ئالۆزییەكانی جیهان.
  ئینجا دانیشتوی شارەكان لە دژی هەندێ خەڵكی شۆڕشگێڕ دەوەستن و ئەوانەی دژ بە شارستانیەتن لەناو دەبەن و توونایان دەكەن و ئا لەم ناوەدا خەڵكانێكی زۆر دەست لە ئایینی كریستیان و مەسیحییەت هەڵدەگرن.لەم سات و كاتە بە دواوە ژمارەیەكی زۆری خەڵك بەدوای هزر و بیرو ئایدیالەكانی تردا دەكەون و لە نێوان ئەم سەرلێشێواویەی ئێمەدا دكتوریەن و پرۆسەی لۆسیفەر ئاشكەرا دەكەن و ڕایدەگەیێنن كە رێڕەویك دروست دەكات كە لە كۆتاییدا دەبێتە هۆی ئەوەی كە بێ خوایی و مەسیحییەت و ئیسلامی هەر بە تەواوی لەناو دەبات و توونایان دەكات.

((كوردی-2023))