شیڤان شێخەمیری
19ڕەمەزانا 1445
ئالنگاریا خاندنێ
ئالنگاریەکا هویر بۆ خاندنێ دارێژە، ودابەش بکە ل سەر شەڤێ و ڕوژێ، چەنداتیا خاندنا خۆ یا ڕوژێن بوری زێدەبکە و بکێمیێ ڕازی نەبە!
ئالنگاریا هزرکرنێ
ئەو کیش ئایەتە تە دڤان دەهکێن دوماهیێ دا دلڤینیت ، ئالنگاریا نەفسا خۆ بکە ب جێبەجێ کرنا وێ، چنکی بس هزرکرن وتێفکرینا بتنێ نەبەسە، بەلێ جێبەجێکرن بەرهەمێ هزرکرنێ یە، وجێبەجێکرنا تە دێ بەردەوام بۆ پشتی دەهکان ژی ب ئیزنا خودێ.
ئالنگاریا صەدەقێ
پتر ژ هەرجار خێرێ بکە، ئالنگاریا نەفسا خۆ بکە ئەو نەفسا بۆتە جوان دکەت ودبێژیتە تە مالێ تە یێ کێمە، وتە ل دەستپێکا ڕەمەزانێ خێرکرن، بەلێ ئەوا لنک خودێ بخێرترە وپتر دمینت، ومال ب صەدەقێ کێم نابت.
ئالنگاریا زکری
ئالنگاریەکێ بۆ خۆ دارێژە د زکر کرنێ دا، وبلا یا ئاشکرا بت (هەژمار وجورێ وێ) ودل وئەزمانێ مژویل بکە ب زکری، پتر ژوێ یا تو هەروژ دکەی.
ئالنگاریا شەڤنڤێژیێ
ئالنگاریا نەفسا خو بکە، وڕکاعەتا زێدەکە، دگەل گەلەک مانا ژپێرڤە، هەمی چەند ڕوژەکێن کێمن ودێ چن، ڤێجا زۆلمێ ل نەفسا خونەکە ب کێم خەمیێ، بەلکۆ زێدە بکە.
ئالنگاریا تەلەفونێ
ئەرێ تو دشێی کێمترین وەختی ببورینی دگەل تەلەفونێ و تورێن جڤاکی؟
تو چ دبێژی تو ڤێ ئالنگاریێ دڤان دەهکاندا بکەی؟
وخۆ دل ودەروونێ خوڤە مژیل بکە ، پتر ژ مژیلبوونا کەسێن دیتر “خوشیا مانا بتنێ تاقی بکە”.
ئالنگاریا ئنیەتێ
ئنیەتێن خۆ هەمەجور بکە، پتر ژ جاران، نەهێلە کارەکێ باش ژتە دەرباز بت بێ کۆ تۆ بارا خۆ تێبێخی ب ئنیەتا خو یا چاک.
ئالنگاریا خەوێ
بنڤە ب ئەندازەیا پێدڤیاتیا خۆ، کۆ تو ئارام ببی، و بۆ پەرستنێ، بەلێ دەمژمێرێن زێدە یێن خەوێ کێم بکە.
ئالنگاریا خارنێ
ئالنگاریا حەزێن خۆ بکە د جور وتامێن خوارنێ و شیرینیادا ، دانێت خو یێت خارنێ کێم بکە، وبزانە کا پێدڤیاتیا تە چەندە.
ئالنگاریا بێدەنگیێ
ئاخفتنا دونیایی کێم بکە هندی دشیان دا بیت، هندەک ژ دەمژمێرێن خۆ یێن ڕوژانە تەرخان بکە کۆ تو دگەل نەفسا خۆ بمینیە بتنێ، دویر ژ مژویلیا وبێ ئاگەهیێ، ناڤێن خودێ یێن جوان ب ئارامی وهەست پێکرن بخۆ بێژە، یان گەلەک تەسبیحا بێژە، یان بەرنامەکێ تایبەت بخۆ دانە بۆ ڤێ خەلوێ.
Comments are closed, but trackbacks and pingbacks are open.