▪ ئامۆژگاریا نوژداران یا شاش بوو دەمێ دگۆت (شیرێ بێ ڕوین بۆ ساخلەمیێ باشترە ژ شیرێ تژی ڕوین)!
ئامۆژگاریا نوژداران یا شاش بوو دەمێ دگۆت (شیرێ بێ ڕوین بۆ ساخلەمیێ باشترە ژ شیرێ تژی ڕوین)!
ژپەرتووکا #ب_هزرێن_ساخلەم_بژی هاتیە وەرگرتن
د چەند ساڵێن بوریدا خوارنێن تژی ڕوین (کامل الدسم) دهاتنەنیاسین وەک دوژمنەکێ سەخت بۆ ساخلەمیا مرۆڤی چونکی هاتیە گرێدان ب درۆستبوونا چەندین نەساخیانڤە مینا نەساخیێن دلی وشەکرێ وقەلەویێ ،ویێک ژوان خوارنان پێدڤیە مرۆڤ خۆ ژێ بپارێزیت پێکهاتێن شیرینە ئەوێن تژی ڕوین، ول جهێ وێ کومپانیێن بازرگانی ڕابوون ب درۆستکرنا هندەک جورێن دی یێن شیری کۆ دبێ ڕوینن (خالی الدسم) یانژی ڕێژەیەکا کێم یا چەوریێ بخوەڤەدگریت وپرۆپاگندەکا زێدە بۆ دهاتەکرن، ئەز بخو یێک ژ هاندەرێن ڤان کەرەستان بووم، لێ نوکە شیرێ بێ کێماسی (ئانکو تژی ڕوین) بباشتر دزانم ژبەر گەلەک ئەگەران:
• پتریا ڤەکولینێن نوی نەشیاینە گرێدانەکێ پەیدابکەن دناڤبەرا شیرێ تەکۆز (تژی ڕوین) ونەساخیێن دلی وشەکرێ وقەلەویێ بەلکو بەروڤاژی ڕێژەیا قەلەویێ وشەکرێ کێمترە لدەڤ وان مرۆڤان ببەراورد دگەل بکارئینەرێن شیرێ بێ ڕوین چونکی کێم چەوری مرۆڤی نەچاردکەت خوارنێن شرین وکاربوهێدراتا بکاربینیت ل جهێ وان، بۆ زانین مەتڕسیا وان کەرەستەیان پترە ژ چەوریێ لگور بۆچوونا گەلەک ڤەکولێنەران.
• دەمێ ڕوین ژ شیری دهێتە دەرئینان تاما وێ تاڵ دبیت وبزەحمەت تۆ بشێی ڤەخوی، لەوا کومپانیێن بازرگانی پەنا بۆ شەکرێن دەستکرد دبەن ژبوی تامخوشکرنا وی شیری کو زیانێن وێ زێدەترن ژ خوارنێن چەور.
• ئومێگا سێ یێک ژپێکهاتێن شیرێ بێ کێماسی یە وچەوریەکا باشە بۆ لەشی ،لێ ب ڕێژەیەکا گەلەک کێم دناڤ شیرێ بێ ڕوین دا هەیە
• ڤیتامین D پێکهاتەکا دی یا شیرێ تەکوزە کو پێدڤی ب ڕوینی هەیە ژبوی مێژتنا وێ دڕویڤیکاندا ،ئەڤجا کومپانیایێن خوراکی نەچاردبن ڤێ ڤیتامینێ بۆ شیرێ کێم ڕوین زێدەبکەن.
• خوارنێن ڕوین تێدا بگشتی دگرنگن بۆ ساخلەمیا مرۆڤی وچیێدی ب دۆژمنێن ساخلەمیێ ناهێنەنیاسین ئەگەر زێدەگاڤی دخواران وان دا نەهێتەکرن.
Comments are closed, but trackbacks and pingbacks are open.