دیسا بارزان بریندارە
ل ھەر جھی کوشتن و ئارە
ئەڤ بریار نە وەک ھەرجارە
فیخان و قیر و ھەوارە
ئەرمەنجا وە سەربرینە
بێ ئۆژدان و ئۆل و دینە
کوشتن و لێدان و خوینە
دلێ مە ب ئێشا خەمگینە
وەلاتێ مە داگیرکرن
ب تانگ و تۆپاتالانکرن
خوەدە ما قیێ ئەم کافرن
مال و ملکێ مە تەڤ برن
دیرۆکێ دیسا خوە نووکر
دەرد و کۆڤان ل مە کوورکر
چار ھەزار گوند تار و مارکر
ب تەنگ و تۆپا وێرانکر
بلبل و مێ کەوێ بارکر
کوشتنا کوردا ھەلال کر
لالەش و مزگەفت خرا کر
ب ناڤێ دین کورد ئەنفال کر
سەد و ھەشتێ و دو ھەزار
ستێر ژ ئەزمان ھاتن خوار
کەڤر نە ما ل سەر کەڤر
ب ھەزارا برن ژ ڤر
ژ ھەمی دەرا تەڤ کۆم کرن
ب ھەزارە بنچاڤکرن
زندان ژ کوردا تژی کرن
د گرتیخانا دە ژ بیر کرن
برن بھەرکا و تۆپ زاوا
ل نەقرەت سەلمان و سەماوا
کۆمکوژی ب سەدا چێکرن
زارۆ و زیچێ مە پیر و ژن
ب ساخیتی بن ئاخ کرن
دیرۆک ب خوینێ تۆمارکرن
ل مە نەھشتن جھ و مال
دیسا ژ بارزان ھەتا شنگال
ژ مە بوون قوربان و ئەنفال
تا ئەم نە بن ب دەولەت و ئال
ژەھەر و خەردەل ل مە رەشاندن
ئاگر ل سەرێ مە باراندن
ھەر تشت ژ ڤێدێ رەڤاندن
بلبل ژ ھێلینێ تەرقاندن
بیر و کەھنی تەڤ کۆرکرن
تشتەک ل وارێ مە نەھشتن
خوینا وە ب ساخیتی مشتن
ب سەد ھەزارا ژوە کوشتن
چارا نووسا وە نە دیارە
ئاخ ل من دایێ ھەوارە
گەلۆ ما ئەڤ چ بوھارە
رۆندک دبارن وەک رووبارەل وارگھێ شێر و ئەگیدا
ژ بیرناکن وا شەھیدا
ل وارگھێ شێر و ئەگیدا
ژ بیرناکن وا شەھیدا
ئەو رۆژا رەش ژبیر نابە
سەد سلاڤ ل گیانێ وا بە
جانێ وا ب بھەشتێ شابە
ھەزار رەھمەت ل جانێ وابە
شیار ئالیانی _١٩٩٥/٧/١٩ شام
Comments are closed, but trackbacks and pingbacks are open.