سه‌رۆكێ توركیا ئه‌ڤرۆ دوشه‌مبیێ رازیبوو بابه‌تێ ئه‌ندامبوونا سویدێ د ناتۆیێ دا بۆ په‌رله‌مانێ توركیا بهنێریت.
یێنس ستۆلتینبێرگ ئه‌میندارێ گشتى یێ ناتۆیێ گۆت “جهێ خۆشحالیێ یه كو رابگه‌هینم؛ ره‌جه‌ب ته‌یب ئه‌ردۆگان سه‌رۆككۆمارێ توركیا رازیبوو بابه‌تێ ئه‌ندامبوونا سویدێ د ناتۆیێ دا ژ بۆ په‌رله‌مانێ توركیا د نزیكترین ده‌م دا ره‌وانه بكه‌ت”.
ستۆلتێنبێرگ دیار ژى كر؛ ته‌مامكرنا رێكارێن چوونا سویدێ بۆ دناڤ ناتۆیێ دا گاڤه‌كا دیرۆكى یه.
هه‌ر ئێك ژ توركیا و سوید راگه‌هاندنه‌كا هه‌ڤپشك یا حه‌فت خالى ل دۆر ئه‌ندامبوونا سویدێ د ناتۆیێ دا به‌لاڤكرن و تێدا سویدێ بڕیار دا چ هاریكاریان پێشكێشى گرۆپێن وه‌كى یه‌په‌گه و په‌یه‌ده و گرۆپێ گۆله‌نی نه‌كه‌ت.
ل گۆره‌ى راگه‌هاندنێ، هه‌ردو وه‌لاتان بڕیار دا ل سه‌ر هه‌ماهه‌نگیا درێژخایه‌ن د به‌رهنگاریا تیرۆرێ دا به‌رده‌وام بن.
هه‌روه‌سا بڕیارا دامه‌زراندنا كۆمیته‌یه‌كا ئاسایشا هه‌ڤپشك ل سه‌ر ئاستێ وه‌زارى دناڤبه‌را هه‌ردو وه‌لاتان دا هاته دان.
سوبه‌هى و دوسبه دێ گۆپیتكا ناتۆیێ ل ڤیلنیۆس پایته‌ختێ لیتوانیا برێڤه‌چیت.
Comments are closed, but trackbacks and pingbacks are open.