ئه‌ندامه‌كێ په‌ڕله‌مانێ ئیراقێ راگه‌هاند، 400 ملیارێن به‌غدا بۆ هه‌ریما كوردستانێ دهنێریت بۆ دانا موچه‌یێن هه‌یڤا 4 قه‌رن و دگه‌ل داهاتێ ناڤخۆ ژى كورتهێنان بۆ دانا مووچه‌یان دێ په‌یدا بیت.
د. بڕیار ره‌شید ئه‌ندامێ په‌ڕله‌مانێ ئیراقێ دده‌ته زانین، ئه‌و 400 ملیار دینارێن ئه‌ڤرۆ حكومه‌تا ئیراقێ بڕیار لسه‌ر داى بۆ هه‌رێما كوردستانێ بهێنه هنارتن وه‌ك قه‌ر دێ هێنه هارتن و ژبه‌ر بودجه‌یا هه‌رێمێ هێنه بڕین.
دا زانین ژى دگه‌ل داهاتێ ناڤخۆیێ هه‌رێما كوردستانێ كو 200 ملیار دینارن، هێشتا حكومه‌تا هه‌رێمێ پێدڤى ب 340 ملیار دینارێن دى هه‌یه بۆ دانا مووچه‌یێن فه‌رمانبه‌رێن هه‌رێما كوردستانێ یێن ڤێ هه‌یڤێ (هه‌یڤا نیسانێ).
حكومه‌تا هه‌رێمێ هه‌یڤانه پیدڤى ب 950 ملیار دیناران هه‌یه بۆ دابه‌شكرنا مووچه‌یێن فه‌رمانبه‌ران، ل هه‌یڤێن بۆرى 740 ملیار دینار داهاتێ فرۆتنا پترۆلا هه‌رێمێ دگه‌ل 200 ملیار دینارێن ناڤخۆ وه‌ك مووچه‌یێ فه‌رمانبه‌رێن هه‌رێمێ دهاته دان، لێ پشتى راوه‌ستاندنا فرۆتنا پترۆلا هه‌رێمێ ب رێكا تركیا، حكومه‌تا هه‌رێمێ بۆ دانا موچه‌یێن هه‌یڤا 4 نیسانێ دێ روى ب روى كورتهێنانێ بیت.
Comments are closed, but trackbacks and pingbacks are open.