ناڤێ دروست محەمەد سالح شێخ موسە ل سالا( ١٩٤٨)ژ ل گوندێ(خەجوكێ)سەر ب قامشلویێ هاتیە سەر دونیایێ شەش خوشك و پێنج برا هەبوینە ل سالا( ١٩٦٩) ز دەست ب دەنگبێژیێ دکەت و دناڤبەرا سالێن( ١٩٧٢_١٩٦٩)ز ل لوبنانێ خزمەتەکا هونەری خەرج دکەتن و هەر ل بەیروتێ دووسالان وانێن موزیکێ وەردگریت و دگەل هندەک هەڤالێن خۆ کومەکا موزیکێ ل بەیروتێ بناڤێ (کوما سەرکەفتن) دادمەزرینن .
ل سالا (١٩٧٣)ز دهێتە کوردستانا باشور و ل ڤێرە ژی وەکی هوزان و پێشمەرگە کار دکەتن تێکەلی هونەرمەندێن کورد دبیت یێن مینا( عیسا بەرواری ،تەحسین تاها ئامێدی ، محمد عارف جزیری ، نەسرین بەرواری ، ئەردەوان زاخویی، مریەم خان ،گولبهار ، ئەیاز زاخویی) هند .
ل سالا (١٩٧٢)ز بەرهەمێ خو یێ ناڤێ(گەورێ) ل باژێرێ شامێ بەلاڤكریە و ل سالا( ١٩٧٥) ز بەرهەمێ(مهاباد كانیا خوینا شەهیدا)بەلاڤكریە .
محمد شێخوی ب گشتی ١٤ بەرهەمێن خوە پێشکێشی مللەتێ کورد کرینە هندەک ژوانا ژی سترانێن وی یێن مینا (ئاگرێ دەردێ تە ئەڤرو سوتیمە ، ئاسو ئەی هەوار ،ئاخینا من ژ دل دهێت ، ئای گەورێ ، ئای لێ گولێ ، ئازادێ شرین ، بەر دلێ من پر شیرینە ،باغچێ گولا ، بێ خەبات ، بلبلو ،بلندە بەژنوبالاتە ،بەحەشتا رەنگین ،جانا من ، جانا شرین ،چاڤێن خوە ڤەکە ، چ بکەم ب جان ،چبکا خوناڤێ ، جوانێ ئازاد . هند…)
ل سالا( ١٩٧٧ ) ژیانا هەڤژینیێ د گەل خانما(نەسرین)پێكئینایە
كو خەلكا کوردستانا روژهەلاتە و دبنە خودانێ چار زارۆکان یێن بناڤێ (فەلەک ،إبراهیم،بروسک ،بێکەس) .
ل سالا(١٩٨٢) ز ژ كوردستانا روژهەلات پشتی ١١سالان ژ دویرکەڤتن ژ وەلاتی خوە جارەکا دی ڤەدگەریتە کوردستانا رۆژئاڤا و ل باژێرێ قامشلو ئاکنجی دبیت و پاشی هەر ل باژێرێ قامشلو گروپەكێ موزیكێ دامەزرینیت وانێن موزیكێ بو گەنجا دبێژیت .
(١٩٨٩/٣/٩) ل باژێرێ قامشلو دچیتە بەردلوڤانیا خودێ ب بەشداریا ٧٠.٠٠٠ کەسان ڤە دهێتە ڤەشارتن ل گورستانەکا باژێرێ قامشلو . و دکەتە وەسیەت لسەر قەبرێ ویێ پیروز چەند دێرێن سترانا وی یا بناڤێ گاڤا ئەز (دمرم) بهێتە نڤێسین و مالباتا وی ئەو وەسیەت جێبەجێ کر.
كێم کەس وەکی هونەرمەند(محەمەد شێخو)شیانە هونەرێ
خوە بپارێزن ئەو ستران و ئاوازێن وی یێن خوەش مروڤی حێبەتی دکەتن . ب هوستاتیەک وەسا ژێهاتی مروڤی بەرەڤ دنیایەکا دیڤە رادکێشیت هەمی ژیاناخو ب هەژاری دەرباسکریە ،دا پاشەروژەکا خوش بو مللەتێ کورد بهێلیت. رحاتە شاد ،گوڕاتە ب گول ونێرگز بیت بابێ فەلەکێ هزار سلاڤ لسه‌ر گیانێ تە بن هونەرمەندێ هەر چار پارچێن كوردستانێ ب هەژاری و دەربەدەری ب دەنگێ خو و خەباتا خوە خزمەتەكا مەزن پێشکێشی مللەتێ خو یێ کورد کرییە.
بەرهەڤکرن ژ بەرپەڕێ هونەری زێیێ بادینان
ئاوارە نێروەیی
Comments are closed, but trackbacks and pingbacks are open.