ئه‌ڤرۆ ب ئاماده‌بوونا مه‌سرور بارزانى سه‌رۆكێ حكومه‌تا هه‌رێما كوردستانێ، رێوره‌سمێن سالیادا شه‌هیدێن ئێكى شوباتێ ل هه‌ولێرێ برێڤه‌چوو. د چارچووڤی پشكداریێ د رێوره‌سماندا مه‌سرور بارزانى تاجه‌گولینه‌یا رێزو وه‌فایێ لسه‌ر مونومێنتا شه‌هیدێن ئێكێ شوباتێ دانا.
هه‌روه‌سا د رێوره‌سماندا، عه‌بدوڵا حاجی مه‌حموود، وه‌زیرێ شه‌هید و كاروبارێن ئه‌نفالكریان، وه‌تاره‌ك پێشكێش كر و راگه‌هاند، پێنگاڤێن كابینه‌یا نه‌هێ یا حكومه‌تا هه‌رێما كوردستانێ دبه‌رده‌وامن بۆ زێده‌تر پێشكێشكرنا خزمه‌تگوزاریان ب كه‌س و كارێن سه‌ربلندێن شه‌هیدان و قوربانیێن ده‌ستێ تیرۆرێ.
ئه‌ڤرۆ 19 بسه‌ر په‌قیا 1ى شوباتێ ده‌ربازبوون، كو ل سالا 2004ى د هه‌مان ده‌مدا ئێكه‌م رۆژا جه‌ژنا قوربانى بوو، د دوو كردارێن تیرۆرستى دا، دوو خۆكوژان ل باره‌گایێ لقێ دووێ پارتى دیموكراتى كوردستان و مه‌لبه‌ندێ سێ یێ ئێكه‌تى نیشتیمانى كوردستان خۆ په‌قاند و بۆ ئه‌گه‌رێ گیان ژ ده‌ستدانا 103 كه‌سان و زێده‌تر ژ 200 كه‌سێن دى برینداربوون.
Comments are closed, but trackbacks and pingbacks are open.