بۆ گرنگیدان ب برچێ پێدڤیه هه‌موو كه‌س ل دووڤ هنده‌ك رێك و شیره‌تان كاربكه‌ن، ئه‌ڤ شیره‌تێن ل ژێری دێ پرچێ ته ژهه‌ر ئاریشه‌كا ساخله‌میێ پارێزن:
•حه‌بێن ڤیتامینان بحۆ: پرچێ ته پێدڤی ب كه‌رستێن ( زنك، بیوتین و ئاسنی) هه‌یه، به‌لێ هشیاربه گه‌له‌ك ڤیتامینان نه‌خوو، به‌ری خوارنا وان شیره‌تان ژ نوژدارێ خۆ وه‌ربگره و ل دووڤ چه‌نداتیا ئه‌و بۆ ته ده‌ستنیشان دكه‌ت تو دشێی ده‌رمانان ب كاربینی.
•پرچێ خۆ گه‌له‌ك شه‌نه‌كه، گوتنه‌ك هه‌یه دبێژیت كو شه‌كرنا پرچێ دبیته ئه‌گه‌ر كو پرچێ مرۆڤی درێژ ببیت، به‌لێ ڤه‌كولینێن نوو دیاردكه‌ن كو زێده شه‌كرنا پرچێ پرچێ بێ هێز دكه‌ت و پتر دوه‌ریێت و دیسان نابیت پرچێ خۆ گه‌له‌ك بۆ پشتێ پال بده‌ی.
•شه‌یێن ساخله‌م بۆ پرچێ خۆ ب كاربینه: نابیت دو كه‌س سه‌رێ خۆ ب شه‌یه‌كی شه بكه‌ن و شه‌یێن پلاستیكی یێن تیژ ژی ب كارنه‌ئینه ژبه‌ركو دبنه ئه‌گه‌رێ دوسه‌ركبوونا موویان.
- وان پێكهێنه‌رێن تایبه‌ت بۆ پرچێ هاتینه دروستكرن بكاربینه و چ جاران كریمێن سه‌خته بكارنه‌ئینه و بزانه كریمێن بازرگانی هنده‌ك پێكهێنه‌رێن ئه‌رزان و بێ مفا یێن كیمیاوی دناڤدا هه‌نه و دبنه ئه‌گه‌رێ هشككرنا پرچێ و دوسه‌ركبوونا وێ.
•پرچێ خۆ بۆ ده‌مێن درێژ نه‌شدینه و بهێله یێ به‌ردای بیت داكو بێهێز نه‌بیت و نه‌وه‌ریێت.
•پشتی تو سه‌رێ خۆ دشووی سه‌رشوویه‌كا زه‌یتی بكاربینه و ئه‌و كه‌رسته دبنه ئه‌گه‌ر بۆ پاراستن و ته‌یساندنا پرچێ.
•پشتی سه‌رشووشتنێ ئێكسه‌ر پرچێ خۆ فیر نه‌كه و بهێله ئه‌و بخو هشك ببیت.
•زه‌یتێن باش و بناڤ و ده‌نگ بۆ پرچێ خۆ بكاربینه وه‌كو زیتا ( خروع) و یا گیزا هندێ و زه‌یتا زه‌یتینا.
•هه‌رده‌مێ ئاریشه د پرچێ دا په‌یدابووین ئێكسه‌ر چاره‌سه‌ربكه و ب تایبه‌ت ئاریشه‌یێن وه‌كو كه‌ڤشكی و وه‌ریانێ و پشت گوه نه‌هاڤێژه داكو ئاریشه مه‌زنتر لێ نه‌هێت.
•وان شامپویان بكاربینه ئه‌وێن دگه‌ل سروشتێ پرچێ ته دگونجن و بزانه كیژان شامپو دگه‌ل پرچێ نورمال یان یێ دوهنی یان یێ هشك و ره‌نگا و ره‌نگ دگونجیت.
ژ. نۆش نیوز:
Comments are closed, but trackbacks and pingbacks are open.