(دلۆڤان ئەمجەد بارزانی )
سوپایێ پاسدارێن ئیرانێ ب درونان ھێرشەکا ناراستەوخو کرە سەر ھەرێما کۆردستانێ کۆ تێدا چەند کەسێن سیڤیل مەدەنی بوونە قوربانی .
پشتی ھێرشێ ھەر زووی ئیرانێ راگەیاند کۆ چەند بنکە و کۆنسولخانەیێن ئەمریکا و ئیسرائیل مە کرنە ئامانج لێ ئەو و ھەمی جیھان دزانیت کو راست نینە ، ئەوان ھەرێما کۆردستانێ کرە ئامانج تایبەتی ھەولێرا پایتەخت چونکێ ئامانجا وان تێکدانا ئەمن و ئاسایش و ئارامیا سەروەرییا کۆردستانێ یە .
ئەم ھەمی باش دزانین ئیران و دەولەتێن جیران چاڤ ب ئارامی و خوشگوزەرانی و پێشکەفتنا ھەرێما کۆردستانێ ب گشتی و ھەولێرا پایتەخت ب تایبەتی رانابن .
ھەر دکەڤن دا ئەڤان دژایەتیا کوردان کریە و ھەمی ھەولێن خو دانە بۆ ژناڤبرنا کوردان .
گوتنەکا ھەی دبێژن (دوژمنێن باب و کالا نابنە دوستێن لاوا ).
گوتنەکا دی دبێژن (دەردێ نەڤیانێ دەردەکێ گران و بێ دەرمانە ) .
ئەڤە چەندەھا جارە ئەڤ ھێزێن ژ یاسایێ دەرکەفتی ھێرشان دکەنە سەر ھەرێما کۆردستانێ لەوما ئەم وەکی ھاولاتیێن ھەرێمێ ب توندی ڤان ھێرشێن دەولەتا نە ئیسلامیا ئیرانێ ئیدانە دکەین ، لێ بتنێ ئیدانە کرن بەس نینە بۆ ڤان دوژمنێن رووی رەش و شەرمەزار دڤێت ب زوویترین دەم ب ھێز بەرسڤا وان بھێتە دان و باش بزانن نە ئیران و ھەر دەولەتەک و ھێزەك نەشێن رەوشا ھەرێما کۆردستانێ تێك بدەن چونکێ ئەڤ وەلاتە ب خوینێ یێ ھاتیە ئاڤاکرن و بنادنان ب دەستێن چەپەلێن ھیچ ھێز و دەولەتەکێ ناھێتە ژناڤبرن و بلا ئێدی خەونان ژی ب ژناڤبرنا کوردان نەبینن .
دیروك شاھدیێ بو وێ چەندێ ددەت کۆ دکەڤن دا ئەڤان و چەندین دەولەتێن دیێن دژکار چ دگەل کوردان پێچێ نەبوویە و د نھاژی دا ئەستەمە خەونێن وا ب جێھ بێن .
ئەگەر راست بێژن کو وان دڤێت بنگەھێن و کونسولخانێن ئەمریکا و ئیسرائیل بکەنە ئامانج بنگەھێن گەلەك نیزیکتر یێن ھەین کۆ بکەنە ئامانج و ھێرشاوان بکەن لێ ئەڤە بتنێ بھانەنە بخو دئینن و بێھێزییا وانە ب ھێرشێن ترسنوکانە ئەنجام ددەن .
جھێ شەرمەزاریێ یە بو ئیرانێ ھێرشێ ب درونان بکەنە سەر کەسانێن مەدەنی و بێ گونەھ و زاروکان ، دھەمان دەم دا پێشێلکرنا مافێن مرۆڤانە لەوما دڤێت ھەمی دەولەتێن باس ل مافێن مروڤان دکەن بھێنە سەر خەت بۆ ئیدانە کرنا ڤان ھێرشێن ھوڤانە و شەرمەزار بکەن و سنورەکێ بو ڤێ دەولەتا ب ناڤ ئیسلامی دانێن .
دەربارەی ڤان ھێرشێن پاسدارێن ئیرانێ ، سەرۆك و رابەر و مەرجەعێ بالایێ کۆردستانێ (سەروك بارزانی) پەیامەكێ ئاراستەی رایا گشتی دکەت دبێژیت :
ئێدی دان ب خو داگرتنێ سنورێ ھەی .
بو ڤەشارنتا ئاریشە و گرفتێن خو ئەو دەست درێژیێ ل دژی ھەولێر و خەلکێ کۆردستانێ ئەنجام ددەن .
نابیت ھەتا سەری ئەو لڤێ زولمێ بەردەوام بن و نابیت ژی چیێ دی ل ھەمبەری ئەڤ ستەم و زولمێ و نەحەقیێ بێدەنگ بین .
دشێن مە بکۆژن لێ بەلێ پشت راست بن نەشێن ئێرادێ ل مە بستینن .
ئەم ژی دبێژینە دوژمنێن گەلێ کۆرد ھندی مە سەروکەك و رێبەرەك و سەرکردەیەك و مەرجەعەكێ وەکو سەروك بارزانی ھەبیت کو بەردەوام د خەما مللەتێ کۆردا یە چ ھێزەك و دەولەتەك نەشێن ئیرادا مە لاواز و بێھێز بکەن .
ھەرێما کۆردستانێ ھەر دکەڤن دا نموونەیا پێکڤە ژیان و ئێکسانی و ئێکتر قەبولکرنا ھەمی ئول و مەزھەب و نەتەوا بووییە بێ جوداھی نھا ژی ل سایا بارزانی بەردەوامین ل سەر ڤان رێك و رێبازا و دێ د بەردەوام ژی بین بھێزتر ژ جاران .
دڤێت حکومەتا عیراقێ ژی ب جدی بھێتە سەر خەت کار ل سەر راگرتنا ڤان ھێرشێن بێ بنەمایێن ئێك دیڤ ئێکێن ئیرانێ بکەت ، ئیدانە کرن و شەرمەزار کرن بەس نینە بۆ تێك دان و پێشێلکرنا سەروەرییا ھەرێمێ و عیراقێ ژبەر ھندێ دبێژم ئیدانە کرن بەس نینە چونکێ ئەم تێر و بێزار بوین ژڤێ گوتنا بێ کردار ژلایێ عیراقێ ڤە ، ئەڤە ئێکەم جار نینە کو بێھنە ئیدانەکرن و ھەر بەردەوامن ل سەر ڤان کریارێن کرێتێن خوە ئەگەر سنورەك بو نەھێتە دانان چێدبیت ئەڤ ھێرشە مەزنترببن ، تێکدانا خوشگوزەرانی و ئەمن و ئاسایش و رەشا ھەرێما کۆردستانێ تێکدانا ئەمن و ئاسایش و رەوشا عیراقێ یە ،لەوما پێدڤیە بەرسڤەکا توندا سوپایێ پاسدارێن ئیرانێ بھێتە دان و ڤان ھێرشێن ترسنوکانە رابگرن ، ئێدی بەسە بێزار بووین ل سەر ڤان کریاران ، ئەڤە چەندین کەسێن بێ گونەھێن وەلاتێ مە دھێنە شەھیدکرن ، ما ئەڤە تێرنابن ژ رێتنا خوینا کوردان .
وەزیرێ بەرگرییا بەریتانیا بۆ ئیرانێ دبێژیت :
( سەیێن خو ببەستن و گرێ بدەن ، ئەگەر نە دێ پان کەینەڤە و دێ کەینە کەباب )
ئەڤە ئێکە ژ بەرسڤدانا کۆ ئێك ب قالبێ دەولەتا ئیرانا نا ئیسلامی یە .
سەروکێ حکومەتا ھەرێما کۆردستانێ رێزدار (مەسرور بارزانی ) ب ڤی رەنگی بەرسڤا ھێرشێن ئیرانێ ددەت و دبێژیت :
_ نابیت ھێرشێن سەر ھەولێرێ بێ بەرسڤ بمینەڤە .
_ ل ھێرشەکا نەمەردانە دا ھەولێر کرە ئامانج .
_ دڤێت پسیار بھێتە کرن بۆچی خەلکێ سڤیل دکەنە ئامانج .
_ ھێرشێن وان بێ بھانە و بێ بنەما نە .
_ رێکێ بدەن ل وەلاتێ خو ب ئازادی بژین .
_ مە پێدڤیا ب پشتگیری و پشتەڤانیا نێڤ دەولەتی یا ھەی بۆ سەقامگیریا وەلاتێ مە .
_ ھەرێما کۆردستانێ ژێدەرا ئاشتی و سەقامگیریێ یە .
_ پێدڤیە حکومەتا عیراقێ ھەلوێستەکا جدی ھەبیت بتنێ ئیدانە کرن نەبیت .
دڤێت نەتەوێن ئێکگرتی ژی ھەولستێن جدی ھەبن ل سەر ڤان ھێرشێن ئیرانێ چونکێ ئەڤا دھێتە روودان ھەمی ژپێخەمەت وانایە کو ھەردەم دبێژن ئامانجا مە لێدانا بنکەیێن وانایە ل ھەرێما کۆردستانێ لەوما دڤێت بێ دەنگ نەمینن و بێ دەنگیێ بشکێنن بێژن ئێدی بەسە .
چونکێ ئەو ھێرشێن ئاسایش و سەروەرییا ئاخا ھەرێما کۆردستانێ ب تایبەتی و عیراقێ ب گشتی پێشێل دکەن ، ژلایێ ھەر ئالیەکێ ڤە بن دڤێت بھێتە راگرتن .
Comments are closed, but trackbacks and pingbacks are open.