ئیرانێ دووماهى ژڤان بۆ ژ چه‌ككرنا حزبێن دژبه‌ر دا ئیراقێ و راگه‌هاند، ئه‌گه‌ر ئیراق سۆزا خۆ بجـ نه‌ئینیت دێ بهیزتر هێرشان ل دژى وان گرۆپان كه‌ت.
محه‌مه‌د باقر، سه‌رۆك ئه‌ركانێ هێزێن چه‌كدارێن ئیرانێ گه‌فێن هێرشكرنێ ل حزبێن رۆژهه‌لاتا كوردستانێ كرن و راگه‌هاند، ئه‌گه‌ر تا مه‌ها ئیلۆنا ئه‌ڤ ساله ئیراق وان گرۆپێن دژبه‌ر ژ چه‌ك نه‌كه‌ت دێ بهێزتر هێرشان ل دژى وان كه‌ت.
هه‌روه‌سا گۆت: دووماهى ده‌م بۆ دانانا چه‌كى ئیلۆنا ئه‌ڤ ساله‌یه. و ئاشكراكر، ئه‌گه‌ر ئیراق سۆزا خۆ ده‌رباره‌یى وان حزبێن دژبه‌ر بجهـ نه‌ئینیت دێ هێرشێن توندتر ل دژى وان گرۆپان دوباره‌بن.
باقرى ئاشكراكر، ژبه‌ر سۆزێن ئیراقێ هێرش ژ ئالیی ئیرانێ ڤه هاتینه راگرتن و ئیراق پابه‌ندكریه تا مه‌ها ئیلۆنا ئه‌ڤ ساله حزبێن دژبه‌رى كۆمارا ئیسلامى یا ئیرانێ ل هه‌رێما كوردستانێ ژ چه‌ك بكه‌ت.
Comments are closed, but trackbacks and pingbacks are open.