ئێکەتیا نشتیمانی یا کوردستانێ ئەڤرۆ رۆژا سێشەمبی بەرهەڤیا خۆ بۆ پشکداریکرنێ د هەلبژارتنێن پەرلەمانێ کوردستانێ دا دیار کر و ژمارەکا مەرجان ژی دانان.
رزگار حاجی حەمە، بەرپرسێ پشکا هەلبژارتنان یا ئێکەتیا نشتیمانی یا کوردستانێ ئەڤرۆ د کۆنگرەکێ رۆژنامەڤانی دا گۆت: ئێکەتی بەرهەڤە هەلبژارتنان بکەت، لێ ئەڤ هەلبژارتنە پێدڤی ب ژمارەکا بنەمایێن سەرەکی یە یێن مینا گوهۆڕینا قانوونا هەلبژارتنان، چالاکرنا کۆمسیۆنا هەلبژارتنان و پشتبەستن ب تۆمارا هەلبژارتنان یا حکومەتا فیدرالی.
هەروەسا گۆت: قانوونا هەلبژارتنان یا کەڤنە و پێدڤی ب گوهۆڕینان هەیە تایبەت بابەتێن گرێدایی بازنەیێن دەنگدانی کو پێدڤیە گەلەک بن ل گۆرەی پارێزگەهێن هەرێمێ.
بەرپرسێ پشکا هەلبژارتنان یا ئێکەتیێ گۆت ژی “مە دڤێت پشکا کەمینان (کوتا) د قانوونا هەموارکری یا هەلبژارتنان دا ل گۆرەی سەرژمێریا ئاکنجیان بهێتە هەموارکرن، هەروەسا پێکهاتەیان نوینەرێن خۆ یێن راست هەبن ل پەرلەمانی”.
دەربارەی تۆمارا دەنگدەران ژی رزگار حاجی حەمە گۆت: ئێکەتیا یا رژدە ل سەر تۆمارا دەنگدەران یا کۆمسیۆنا هەلبژارتنێن ئیراقێ کو پشتبەستنێ ل سەر سیستەمێ بایۆمەتری و ئامیرەیێن ڤاڤارتنا دەنگان و سەرژمێریا وەزارەتا پلاندانانی دکەت.
Comments are closed, but trackbacks and pingbacks are open.