ئەڤە بۆ هەیڤەک و حەفت رۆژ پتر ژ دەستپێکا خاندنێ کۆ پرۆسەسا خاندنێ ل ١٣ ئەیلۆلێ دەرگەهێن خاندنێ هاتنە ڤەکرن و دەست ب خاندنێ کریە .
د دەمەکێدایە کۆ هند قوتابخانێن ل سنۆرێ پارێزگەهێن (سلێمانیێ و هەڵبجە و دەڤەرا شارەزوور) ، بایکۆتا دەوامێ کریە هەتا نوکە ژی تنێ هندەک قوتابخانێن کێم نەبیت نەکو دەوام تێدا ناهێتە کرن .
ئەڤە ژی ئەگەرێ هندێ ڤەدگەرینن کۆ هەتا ماف و شایستەیێن خۆ وەرنەگرن ئەو نەد بەرهەڤن بۆ ڤەکرنا دەرگەهێن خاندنێ ل دەڤەرێن ناڤبری .
نیگار ئێکە ژ قوتابیێن ناڤەندی دا دیارەکرن; ئەم نزان کا یا راست و دروست لسەر ڤەکرن و نە ڤەکرنا دەرگەهێن خاندنێ بۆ چ ئاوایەکێ ڤەدگەرێنە ڤە، لێ ئەم وەک قوتابی زەرەرێن ئیکێینە کۆ زیان گەهیتە مە .
ئێک ژ سەمیانێن قوتابیان ژی دبێژیت ، بێگومان مامۆستا ژی مافدارن لسەر وەرگرتنا شایستەیێن خۆ ئەفجا چ وار دا بیت لێی یا گرنگتر ئەوە کۆ ئەڤ رۆژە دبۆرن کێماسی و زەرەر دگەهیتە زارۆکێن مە لەوما داخاز ژ جهێن شولەژێی دکەین رێیە چارەکێ بکەین .
ماڵپەڕێ زێیێ بادینان; پەیوەندی ب دوو سێ ماموستایێن وان دەڤەران کر ، ئەوان ژی تنێ گوت کورت و کرمانج ئەم نەد بەرهەڤین بۆ ڤەکرنا دەرگەهێن خاندنێ .
ئەڤە د دەمەکێدا یە کۆ وەزیری پەروەردێ دا یە دیارەکرن کۆ دڤێت رۆژا ئێکشەمبی جارەک دی مامۆستا بهێنە ڤ ناڤەندێن خاندنێ و دەرگەه بهێنە ڤەکرن و ئەڤ بایکۆتە بهێتە شکاندن.
Comments are closed, but trackbacks and pingbacks are open.