ردوان گولی
ل دویڤ زانستێ جیناتان سروشتێ مروڤان بڤی ئاوایە، ئادەمیزاد سەخلەتان وەردگرن برێکا دویندەھی مینا(کورت، درێژ، رەش، سپی، رەنگێ چاڤان ووو) یان وەرگرتن ل دویڤ ژینگەھێ و دەردوران مینا(تورەیی، ئارامیی، راستگویی، فێلبازی ووو )چونکە دبێژن مروڤ کورێ ژینگەھا خوەیە، ئەڤچا چ سەخلەت باش بن یان بەروڤاژی، و دبیت جیناتان زور کارتێکرن ل دروستکرنا کەسێن دکتاتور و خوین مێژ نەبیت، و کورد دناڤ کلتورێ خوە دا، دبێژن: ژ وەلیان دبن خوەلی، و ژ خوەلیان دبن وەلی. ھەر براستی مروڤ داخبار دبیت ب ژینەگەە و ھەڤال و دوستێن نێزیکی خوە، و ھیچ کەسەک ژ دایک نابیت ل سەر ئەنیا وی نڤیسی بیت ئەڤە دێ ل پاشەروژێ بیت زوردار و ستەمکار.
ل ڤێرێ نڤیسکارێ کورد یێ بەرنیاس(ئاپێ موسا عنتەر) د ئێک ژ گوتارێن خوە دا دبێژیت: ئەز مەندەھوش و سەرسورمان بووم ژ ستەم و ژیرمەندیا سولتانێن عوسمانی، ئەگەر بێژین گریمان ئەوان ستەمکاری و زورداری یا ژ باب و گالێن خوە مەغولان وەرگرتی !! پرسیار ل ڤێرێ ئەوە: ئەرێ راستە ئەوان ژیرمەندی و فێل و حیلە و ھونەرێ سیاسەتکرنێ ژ باب و گالێن خوە وەرگرتیە ؟! ئەز ل دویڤ ژێدەرێن دیرووکێ چووم و گەھشتم ئەنجامەکێ، کو (٣٢) سولتانێن وان ژ (٣٦) سولتانان دەیکێن وان ژ نەتەوە و ئایینێن جیاواز و ژێک جودابوون.
و ئەڤە لیستا ناڤ و نەتەوە و ئایینێن ھندەک ژ دەیکێن سولتانێن عوسمانی:
سولتان یلدریم بایەزید دەیکا وی ماریا مەسیحیەکا بولگاری بوو
سولتان موحەمەد ئەلفاتح دەیکا وی دیسپینا مەسیحیەکا سربی بوو
سولتان سەلیمێ قانونێ دەیکا وی ھیلگا جوھی بوو
سولتان سەلیمێ ئێکێ دەیکا وی روکسانە مەسیحیەکا یونانی بوو
سولتان مورادێ سیێ دەیکا وی راشیل جوھی بوو
سولتان موحەمەدێ سیێ دەیکا وی بافو مەسیحیەکا ئیتالی بوو
سولتان ئەحمەدێ ئێکێ دەیکا وی ھیلین مەسیحیەکا یونانی بوو
سولتان مورادێ چوارێ دەیکا وی ئاناستاسیا مەسیحیەکا سربی بوو
سولتان موحەمەدێ چوارێ دەیکا وی نادیجدا مەسیحیەکا روسی بوو
سولتان سلێمانێ دووێ دەیکا وی کاترین مەسیحیەکا سربی بوو
سولتان ئەحمەدێ دووێ دەیکا وی ئیڤا مەسیحیەکا پولونی بوو
سولتان موستەفایێ دووێ دەیکا وی ئاڤیمیا مەسیحیەکا یونانی بوو
سولتان عوسمانێ دووێ دەیکا وی ماری مەسیحیەکا سربی بوو
سولتان موستەفایێ دووێ دەیکا وی جانیت مەسیحیەکا فرەنسی بوو
سولتان عەبدولحەمیدێ ئێکێ دەیکا وی ئایدا مەسیحیەکا فرەنسی بوو
سولتان سەلیمێ سیێ دەیکا وی ئاگنیس مەسیحیەکا ڤینیسی بوو
سولتان موستەفایێ چوارێ دەیکا وی سونیا مەسیحیەکا بولگاری بوو
سولتان مەحمودێ دووێ دەیکا وی ریڤیری مەسیحیەکا فرەنسی بوو
سولتان عەبدولمەجیدێ ئێکێ دەیکا وی سوزی مەسیحیەکا روسی بوو
سولتان عبدالعزیز دەیکا وی بسیمە موسلمانەکا قەرەچ بوو
Comments are closed, but trackbacks and pingbacks are open.