هەرمان باوەرکی
٭٭٭٭ هەر ژکەفتنا دەولەتا میدی هەتا نوکە ،ئانکو پتر ژ (2000) هزار سالان ،راستی تشتێ هەرە حنێر کو مێشک و خینا مروڤان پێ راوستیت ئەڤەیە !!!!
هەتا نوکە مە فاکتەرێ باشی و خرابی یێ ژێک جودانەکڕیە ،و خو تێبگەهینین و مفای ژێ بینین ،ئەرێ ئەڤ ماوێ هندە درێژ ژ مێژویەکا پر دەردەسەری ونەخوشی ،بەسی هندێ بویە ،کو مە کوردان شەهرەزاییەکا مەزن هەبا ،وبەری مللەتێن رەخ و دورێن خو ئازادی و سەربەخویا خو هەبا ،بەلێ کوردان ئەڤە نەکڕ ژبلی دوژمناتی و ژێکڤەکڕن و لاوازکڕنا هێزا هەبونا خو، بەروڤاژی بەردەوام ژبو خو گوریکڕنا پلان و یاریێن دوژمنێ خو سەر حسێبا ئاخ و وەلاتیێن خو ، ژبو هندەک ،، پلە و زێرو پاران ،، ئاسان بویە مللەتێ خو گوری بکەن !!
ئاها ئەڤە جهێ حنێرێ و راوستیانا هندێ یە کو مروڤێ مێشک هەبیتن ، ڤێجا قوناغ بو قوناغێ ، ژ باپیری بو بابی و ژ بابی بو کوڕی ،سەر ڤێ دەوسێ چون، ژبلی خزمەتکڕنا دوژمنێ خو ،، چ دی بو نەتەوا خو نەکڕ ،ڤێجا دەما مروڤ بخو بو دوژمنێ خو ،، پا دوژمنێ مروڤی چ ل بەرە !!
پێدڤی یە ئەم باش بزانین دژمنێ مە شیانێت شکەستنا مە نینن ئاها نوکە ژی ،بەلێ خو سەردا نەبەین ،ئاریشا مە یا دناڤ مەدا دڤێت چارەکەین ،ئەوژی ،،دادی یە ،،، چنکی دادپەروەری دێ مللەتی ب هێزو شیان ئێخیت ،وژبیر نەکەین هەر مللەتەکێ ژناڤ چوی ،ئەگەر ژی نەدادپەروەری بویە ؟؟
Comments are closed, but trackbacks and pingbacks are open.