▪ ئەو کارێن سوننەت موسلمان بکەت دڕوژا جەژنێ دا

1- سوننەتە بۆ وی کەسێ بچیتە نڤێژا جەژنێ سەرێ خۆ بشۆت، وجوانترین جلکێن خۆ بکەتە بەرخۆ، کۆ کەیفێ و دلخۆشیێ د ڤێ ڕوژێ دا ئاشکرا بکەت.

2- سوننەتە بۆ ژنکا ژی ئەو دەرکەڤن بۆ نڤێژا جەژنێ، بەلێ خۆ سفۆر نەکەت ب خەمل وخێلێ، وبێهن خوشیێ لخۆ نەکەت، وژنکێن د خوینێ دا دێ چن گوهێ خو دەنە خوتبێ وتەکبیرا وزکری، ودێ خۆ ژ نڤێژێ دویر ئێخن (ئەڤه هەکە ل موصەلایێ بت)

3- سوننەتە زەلام و ژن و زاروک ژمالێن خۆ دەرکەڤن وبچنە نڤێژا جەژنێ.

4-سوننەتە مروڤ پێیا بچیتە نڤێژا جەژنێ نەکۆ ب سویاری ، و نڤێژکەر زوی بچیت، بەلێ ئیمام دێ خۆ گیروکەت هەتا دەمێ نڤێژێ، ویا سوننەت ئەوە د ڕێکەکێ ڕا بچیت و د ئێکا دی ڕا بزڤڕیت، وەک دیارکرنا ڤی دڕویشمی، ودیڤچوونا سوننەتێ.

5- سوننەتە ژبەری دەرکەڤیت بۆ نڤێژا جەژنێ ئەو هندەک کتێن قەسپا بخۆت (ئانکۆ ئێک بت یان سێ یان پێنج ..)، و بۆ جەژنا قوربانی چ تشتی نەخۆت هەتا کۆ ژ گوشتێ قوربانیێ خۆ بخۆت هەکە ئەو کەسە بیت یێ قوربانی بدەت.

6- سوننەتە دەرکەڤیت ژمالا خۆ بەرەڤ جهێ نڤێژێ ئەو تەکبیرا (الله اکبر )بێژیت، وهەکە گەهشتە جهێ نڤێژێ دێ نڤێژا سلاڤا مزگەفتێ ” تحية المسجد” کەت، وپاشی دێ مژویلی پەرستنێ بیت ئەوژی تەکبیراتن ودێ بەردەوام بیت هەتا ئیمام بهێت.

7- سوننەتە بۆ موسلمانی کو پشتی نڤێژا جەژنێ ڕوینیتە خوارێ وگوهداریا خۆتبا جەژنێ بکەت.

8- سوننەتە بۆ موسلمانی ئەو زەکاتا خۆ یا فترێ ژبەری نڤێژا جەژنێ دەربێخیت، و قوربانیێ خۆ د جەژنا قوربانی دا پشتی نڤێژێ وگوهداریا خوتبێ سەر ژێکەت.

حیکمەت چیە ژ گهورینا ڕێکێ د هەردوو جەژنا دا:
سوننەتە بۆ وی کەسێ دەرکەڤیت بۆ نڤێژا جەژنا ڕەمەزانێ وقوربانی ئەو ڕێکا خۆ بگهوریت، ب هندێ کۆ ئەو د ڕێکەکێ ڕا بچیتە نڤێژێ، ود ڕێکەکا دی ڕا بزڤڕت، دا کۆ دڕویشمێت ئیسلامێ دیار بکەت د هەمی کۆنج و ڕێکاندا ، ودا هەردوو ڕێک بۆ ببنە دیدەڤان، ودا سلاڤ ئەهلێ هەردوو ڕێکا بکەت، ولبەر دلێ هەردووکان بدەت، ودا ئەهلێ هەڕدوو ڕێکا ژ خێرو چاکیا وی ب دەستخوڤە بینن.

عَنْ جَابِرِ رَضِيَ اللهُ عَنهُ قَالَ: كَانَ النَّبِيُّ -صلى الله عليه وسلم-، إِذَا كَانَ يَوْمُ عِيدٍ، خَالَفَ الطَّرِيقَ. أخرجه البخاري.

ژکیسێ جابری خودێ ژێ رازی بت دبێژیت: پێغەمبەر سلاڤ لێ بن هەکە ڕوژا جەژنێ با، ڕێکا خۆ دگوهارت.

…….
ژپەرتوکا خەلاتێ خودێ
ئەحکامێت ڕوژا جەژنێ

بەرهەڤکرن ماموستا ئاینی
شیڤان شێخەمیری