بەرپرسەکا وەزارەتا چاندنێ ئاشکرا کر، ژ ئەگەرێ هاتنا بارانێن زۆر و چاندنا بەرهەمەکێ زێدە پێشبینی دهێتە کرن ئەڤ سالە زێدەتری 500 هزار تەنێن گەنمی ل هەرێما کوردستانێ بهێنە بەرهەمئینان و وەکی سالا بۆری ژی تەن ب 850 هزار دیناران دێ هێتە وەرگرتن.
دکتۆر زێدا محەمەد، رێڤەبەرا گشتیا پلاندانانێ ل وەزارەتا چاندنێ بۆ رۆژناما ئەڤرۆ دیار کر، ل گورەی پێشبینیێن وەزارەتا چاندنا ئیراقێ ئەڤ سالە دێ بەرهەمێ گەنمی گەهیتە چار ملیۆن و 500 هزار تەنان ب هەرێما کوردستانێ ژیڤە و گۆت: “سالا بۆری بەرهەمێ گەنمێ هەرێما کوردستانێ 500 هزار تەنبوون و ب تنێ 325 هزار تەن رادەستی سایلۆیان هاتبوو کرن، بۆ هەر تەنەکێ ژی حوکمەتێ 850 هزار دینار دیارکربوون، سالا بۆری ژ ئەگەرێ هشکەسالیێ 60%ێ بەرهەمێ گەنمێ جۆتیاران زیان گەهشتبوویێ”.
دکتۆر زێدا محەمەد گۆتژی: “پێشبینی دهێتە کرن بەرهەمێ گەنمێ ئەڤ سالە ژ سالا بۆری زێدەتر بیت، ئەز پێشبینی دکەم زێدەتری 500 هزار تەنێن گەنمی رادەستی سایلۆیان بهێنە کرن و هندەکێ ژی نەهێتە رادەستکرن، ل بازاڕی ژی نوکە بهایێ ئێک تەنا گەنمی 850 هزار دینارن”.
هەولێر، قائید میرۆ:
Comments are closed, but trackbacks and pingbacks are open.