کەشناسی هەریم رایگەیاند، لە سبەینێوە شەممە تا رۆژی دووشەممە هەرێمى کوردستان دەکەوێتە ژێر شەپۆلێکى باران بارین و هەورەتریشقە.
بەشی پێشبنی لە بەرێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە، ڕۆژی شەممە ئاسمان نیمچە هەور و لە هەندێ ناوچە هەورى تەواو دەبێت لە گەڵ بارینى کەمێک نمە باران بە تایبەت لە ناوچە شاخاوییەکان.
هەروەها ڕۆژی یەکشەممە ئاسمان هەورى تەواو دەبێت لە گەڵ دەستپێکردنى باران بارین و لە کاتەکانى نێوەڕۆدا ڕێژەى باران بارین زیاددەکات و هەندێ کات هەورە تریشقەى لەگەڵ دەبێت و خێرایی با (15-25) کم/س دەبێت.
هەروەها ڕۆژی دووشەممە ئاسمان هەوری تەواو دەبێت لە گەڵ بارینى نمە باران و بارانى مامناوەند و لە کاتەکانى شەودا ئاسمان دەگۆڕێت بۆ نیمچە هەور نمە باران لەناوچە شاخاوییەکان و هەندى ناوچەى دیکە بەردەوامى دەبێت.
Comments are closed, but trackbacks and pingbacks are open.