سەرۆكوەزیرێن بریتانیا پلانا حكومەتا خۆ ژبۆ سالا نوی ئاشكەراكر و تێدا دیاركر، ئێك ژ كارێن پێشینە یێن وان دێ جێبەجێكرنا یاسایێن نوی بن یێن تایبەت ب تۆندكرنا رێكاران بەرامبەر كۆچبەرێن نەیاسایی یێن ژ نۆكەندێ ئنگلیز بەرەڤ وی وەلاتی كۆچكرین.
ریشی سۆناك، سەرۆكوەزیرێن بریتانیا د ئێكەم گۆتارا خۆ یا سالا نوی دا كو تایبەت بوو ب پلانا حكومەتا وی بۆ ئەڤسالە، دۆپاتی ل سیاسەتا وەلاتێ خۆ ژبۆ تۆندكرنا یاسایێن وەرگرتنا كۆچبەران كر.
دیار ژی كر، ئەو دێ یاسایا نوی یا راگرتنا هاتنا كۆچبەران ب رێیا بەلەمێن بچویك پەسەندكەن و هەركەسێ ب وێ رێكێ بهێتە بریتانیا دێ هێتە دەستەسەركرن و دەركرن.
ل دویڤ ئامارێن وەزارەتا ناڤخۆ یا بریتانیا، سالا بووری زێدەتری 45 هزار كۆچبەران ب بەلەمان ب رێیا نۆكەندێ ئنگلیز چووینە وی وەلاتی. ئێك ژ رێكارێن هەری ب هێز یێن د پلانا حكومەتا بریتانیا دا د ئەڤسالەدا، رەوانەكرنا كۆچبەرایە بۆ وەلاتێ رواندا.
Comments are closed, but trackbacks and pingbacks are open.