▪  بزاڤێن توندرەو چ ل بەره …. ….

✍️..محمد مراد …

مروڤێن توندرەو دناڤ هەمی جڤاڪا دا پەیدا دبن، چ توندرەوێن نەتەوەی بن یان یێت ئاینی بن و دناڤ هەمی ئەدیانا دا ژی هەنه، ڪو ئنیەتێن خراب دمێشڪێ وان دا چاندینه، دژی مروڤا نموونه دزورن..

ئەلمانیا پتر ژ ئێك ملیون جوهی دتەنویراندا حەلاندن،تورڪا پتر ژ پێنج هزار جوهی سوتن،عەرەبێن سونە درژێما عێراقێ یا بەعس دا پتر ژ نیف ملیون ڪورد و عەرەبا بساخی بن ئاخ ڪرن،ئەمریڪا نیف ملیون یابانی قرڪرن،ئەڤ ساخلەتێن توندرەویا نەتەوی بون…..

توندرەوێن جیهادی یا هندەك ئیسلامییا جێوازە،وهك داعشێ لبن پەردا ئیسلامەتییێ و گەهشتن ب‌ حوریا و جاری ڪرنا ڪچ و ژنێت ئێزدی و مەسیحی و موسلمانا شیان نیڤەك عێراقێ و ڪوردستانێ و سوریا وێران بڪەن هزارەها ژن و ڪچ پیچ ڪرن،گەنج و سنێله و ڪچ وڪور خاپاندن خو پەقینن دێ چنە بەهشتێ و دێ گەهن حوریا، هەر چ تشتێ ڤیای بو خو حەلال ڪرن،مال وڪوشتن و مەشروب و خو پەقاندن و سەرژێڪرن، هەتا بگەهن ئارمانجا ئاڤاڪرنا دەولەتەڪا ئیسلامی بنافڤێ دەولەتا ئیسلامی یا عێراق و شامێ….

لێ پلانێت وان سەر نەگرتن پیچ و بەلاش چون، یێ چوی ژ ڪیسێ دەیڪا خو چو، و تانوڪه جیهادی لبن هندەك ناڤێن دی پەیدا بوینە وەك(سەلەفیا و گروپێن توندرەوێن ئیسلامی) دڪوردستان و عێراقێ دا یێ گەشێ دڪەن و روژ بو روژێ یێ زێده دبن، و وەك حزبەكا سییاسی یا رێڪخستنا خو دناڤ باژێر و گوندا دا بزاڤا خو یا سییاسی و سەلەفیەتێ دڪەن، دشێم بێژم سەلەفیێن نوڪه داعشێن سپینه،هێشتا دەرفەت و هێزا وان دروست نەبوینه، ڪا شام چلێ ڪرن دێ خراپتر ل ڪوردستانێ ڪەن……..
نوڪە ژی ڪارتێڪرنا وان لسەر جفاڪی یا زێدەبوی، و ڤەرێژا وان روژ بو روژێ یا دیار دبیت نەبەشداریا وان دهەلبژارتنا دا، باوەری نەبون ب دیموڪراتیەت و شاره ستانیەتێ لاوازڪرنا هزرا نەتەوایەتی و دورڪەتن ژ حزب و لایەنێت سییاسی، دورڪەتن ژ رێڪخراوێن سییاسی وەك قوتابی و لاو و ئافرەتان،دورڪەتن ژ خوراگری و بەرخودانا نیشتمانی، نەڤیانا وەلاتی، حەرامڪرنا بیرەباوەرێن نەتەوایەتی،……

و بەلاڤڪرنا هزڕێن مەترسیدار یێن ئاینی دناڤ جفاکڪی دا، تایبەتی گەنجێن ڪور و ڪچ ،ئەڤه دئایندەی دا دێ بنه مەترسی ل سەر ئاسایشا نەتەوەی و جفاڪی،،
دبەرنامەڪێ میدیای دا جیهادیەڪێ پرسیار راستەوخو ژ مەلایەڪێ ڪر،، گوت سەیدا ئەگەر مه ئیسرائیل ستاند دروستە ژنڪێن وان بو خو ببەین، مەلا دین بو،گوت قەد دوێ باوەرێ دا نەبه روژەك ژ روژان تو بڪاری ئیسرایلێ بستینێ و ژنڪێت وان بوخو ببەی چ خەون و خەیال ڪرینه دسەرێ وە دا،و مەلای بڪەنی ڤه گوت ئەگەر وە ستاند ل پشتا من سیار بن….

ئەها ئارمانجێت هوسا یێن ڪرینه دسەرێ سەلەفی و جیهادییا دا،دا پێ بهێنه خاپاندن ڪو سەدا سەد ئاینێ پیروزێ ئیسلامێ دژی رەفتارێن جیهادیانن و ژێ دویرە …