▪ بهایێ زێری بلند بوویە و بزانە گەهشتە چەندێ ؟

ئه‌ڤرۆ سپێدێ ل گه‌ل ڤه‌كرنا بازارێ پارێزگه‌ها دهۆكێ بهایێ زێڕى گه‌له‌ك بلند بوویه‌ و 2500 دینار چووینه‌ سه‌ر هه‌ر گرامه‌كا زێڕى.

شێخ سه‌لام بریفكانى، سه‌رۆكێ سه‌ندیكا زێڕنگرێن پارێزگه‌ها دهۆكێ بۆ گاڤ گۆت: ئه‌ڤرۆ ل گه‌ل ڤه‌كرنا بازارێ زێڕى بلند بوونه‌كا به‌رچاڤ دروست بوویه‌ و هه‌ر ئێك گراما زێڕى 2500 دینار چووینه‌ سه‌ر.

هه‌روه‌سا گۆتژى، نوكه‌ هه‌ر ئێك گراما زێڕى ل بازارێ پارێزگه‌ها دهۆكێ ب 82500 دیناران بازار پێ دهێته‌كرن.

ناڤهاتى بلندبوونا بهایێ زێڕى ب دۆلارى ڤه‌ گرێدا و دیاركر، هه‌رده‌ما دۆلار بلند دبیت بهایێ زێڕى ژى بلند دبیت.

ژ لایەکێ دیڤە، ئه‌ڤرۆ سپێدێ بهایێ دۆلارى بلندبوونه‌كا به‌رچاڤ ب خۆڤه‌ دیت و 3 هزار و 500 دینار چوونه‌ سه‌ر هه‌ر 100 دۆلارێن ئه‌مریكى.

سه‌ندیكا پاره‌گوهۆران بۆ گاڤ راگه‌هاند، ئه‌ڤرۆ ل گه‌ل ڤه‌كرنا ده‌رگه‌هێن بۆرسا پارێزگه‌ها دهۆكێ بهایێ هه‌ر دۆلاره‌كێ ئه‌مریكى ب 1570 دیناران بازار پێ هاتیه‌ كرن.