▪ به‌رپرسێ یۆنسكۆ ل عیراقێ : گرنگییێ ب په‌روه‌رده‌ و پاراستنا شوونواران ل هه‌رێما كوردستانێ د ده‌ین

سه‌فین دزه‌یى به‌رپه‌رسێ فه‌رمانگه‌ها په‌یوه‌ندییێن ده‌رڤه‌ یێن حكومه‌تا هه‌رێما كوردستانێ دگه‌ل پاولۆ فونتانى به‌رپرسێ رێكخراوا یۆنسكۆ ل عیراقێ به‌حسا به‌رنامه‌ و كارێ هه‌ڤپشك یێ دناڤبه‌را هه‌ردوو لایاندا كر.

فه‌رمانگه‌ها میدیا و زانیارییان یا حكومه‌تا هه‌رێما كوردستانێ به‌لاڤكر، سه‌فین دزه‌یى به‌رپرسێ په‌یوه‌ندییێن ده‌رڤه‌ یێن حكومه‌تا هه‌رێما كوردستانێ و پاۆلۆ فۆنتانى به‌رپرسێ رێكخراوا یۆنسكۆ ل عیراقێ كۆمبوون، سه‌فین دزه‌یى سوپاسى و پێزانینێن خوه‌ ئاراسته‌یى رێكخراوا یۆنسكۆ بۆ كار و چالاكییێن وێ ل هه‌رێما كوردستانێ دبوارێ په‌روه‌ردێدا و پرۆژه‌یێن وێ بۆ پاراستنا كه‌له‌پوورى كر.

هه‌ردوو لایان خواست ب هه‌ماهه‌نگى دگه‌ل دامه‌زراوه‌یێن دییێن حكومه‌تا هه‌رێما كوردستانێ ئاستێ پرۆژه‌یان به‌رفره‌هتر لێبكه‌ن.
به‌رپرسێ رێكخراوا یۆنسكۆ ل عیراقێ به‌حسا كار و به‌رنامه‌یێن خوه‌ ل هه‌رێما كوردستانێ كر و گوت: ئه‌و گرنگییێ ب په‌روه‌رده‌ و پاراستنا شوونوار و كه‌له‌پوورى ل هه‌رێما كوردستانێ د ده‌ن.