▪ بوچی دبێژن شۆرشا گولانێ یا پێشکەفتنخواز؟

ناجح بێجانی ــ هولندا

ئەڤێ ژی ئەگەرو سەردەمێن خوە هەنە
دڕێژاهییا دیرۆکێ ئەو
زۆلم وستەما سەر کوردان هاتیە سەپاندن ژ لایێ دوژمنێن کوردان ڤە ،هەر تم ڤیایە ئاخا وان داگیربکن ئەو ژی نەچاربوونە دەست بدەن چەکی خوە بپارێزن و کەڤتینە د سەنگەرێ بەرەخۆدان و بەرەڤانکرنێ دا ، دڤیا بو نفشێ داهاتی بهێتە نڤێسین کا چی نەخۆشی ودەردەسەریێن بسەرێ ڤی مللەتی هاتیە دیرۆک شاهیدە، لەوما ژی شۆڕشا گولانا پێشکەفتنخواز د کاودانەکێ هەری ئاڵۆز و بێ ئۆمێدیێ دا بو ، ژ ئەنجامێ ئیتفاقیا جەزائێرێ دنافبەرا ئیرانێ وئیراقێ دا ب پالپشتیا هەر ئێک ژ ئەمریکا و مسرێ وئۆردنێ هندەک دەولەتێن هەڤسۆیێن مە بو ژناڤبرنا شۆرشا ئەیلۆلا مەزن راستە شۆڕش توشی کارەساتەکا مەزن هات وکوردستان هاتبو داگیرکرن ژ لایێ ڕژێما بەعس ڤە ، لێ جارەکا دی پێشمەرگەیی ب مۆرالەکا بلند و
هەست ب بەرپسیاریەتیێ و باوەری بخوەبوون چریسکا شۆڕشا گولانێ دەستپێکر ،یا جودا بو ژلایێ ڕێکخستنێن نهێنی وپرەنسیب ودیسپلینێن سەربازی ژی ڤە گەلەک یا رێکوپێک ئوو نموونەیی بو ،ژئەگەرێ ڤێ چەندێ د وەختەکێ کورت دا بو سرنجراکێش و خەلک ل دەورۆبەریێن وێ خرەڤەبوون، ب بیرو باوەریێن کوردایەتیێ، موکمکرنا پەیوەندیان و زاڵبوونا هەستا نەتەوەیی درێیا پارتی و رێبازا (بارزانیێ نەمر) دا ،بەردەوامی دا خەباتێ هێدی هێدێ هێزیێن پێشمەرگەیی بەرەف زێدەبوونێ دبوون پێداچوونەکا واقعیانە و دارشتنا بەرنامەکێ نوی ب خەباتا چەکداری وئەنجام دانا چالاکێن لەشکەری ب تەکتیکێن تازە و شەرێ پارتیزانیێ ژێر دوورشمێ دربەکی دوژمنی ب وەشینەو خوە بپاڕێزە، ئەڤە ئێکەمین جار بو جوداهییا وێ ژ شۆرشێن بەری هینگێ بتنێ پشت بەستن بخوە بێ پشتەڤانیا هێزیێن دەرەکی ،پشتی کونگرێ (٩) یێ پارتی و دەستپێکرنا شەری دنافبەرا ئیراقێ وئیرانێ ئەڤێ ژی گرنگی وباندۆرا خوە هەبو پاڵدەرۆ پالپشت بوون بو شۆڕشێ ژ بەرکو پرانیا کوردا ن رەتکر ببن سوتەمنیێ شەرەکی هێچ خێڕ وبێرەک ژ بلی کاڤلکرن ومالۆیرانکرنێ تێدا بەدینە دکر ،لەوما ژی رۆژانە سەدان گەنجێن کورد پەیوەندی ب شۆڕشێ ڤەکرن وگەلەک ژوان بوونە پێشمەرگە، شۆڕش دەربازی
قووناغەکا دیتر کر و ب ئاشکرا بارەگایێن لێژنا هاتن ڤەکرن و رێکخراویێن لەشکری دورستکرن ، گەلەک دەڤەر یێن رزگارکری کەفتن دبن کۆنترولا هێزیێن پێشمەرگەیی دا ،سەرەرایی چالاکێن لەشکەری ئەڤجار ئەو خەلکێن دەڤەریێن رزگارکری ژی خودی دەرکەفتن و تایبەتی یێن کۆمەلایەتی ڤەدیتنا چارەسەریێ ،قووناغەکا گرنکتر ژ هەمیان دەمێ رژیمێ بریار دایی ئەو دەڤەریێن نە دبن دەستهەلاتا واندا خواندنگەها بگرن ماموستا یان ڤەکێشن سالا ١٩٨٥ قوتابیێن کوردا ژ خواندن وزانینێ بێ بەش بن هەر زیکا سەرکردایەتیا پارتی بریار دا ئەڤێ ڤالەهیێ پر بکن و گەلەک گوندا ماموستایێن خوە بەخش ئامادەبوون بەردەوامی ب خاندنێ بدەن ،بمخابنی ڤە پشتی کو ١٩٨٧ ئەو دەڤەر کەفتن بەر هێرشێن دوژمنی و ب بریارێن خوە یێن دوور ژ مروڤایەتیێ ب هێلا سۆر بناڤکرن ،بڤێ چەندێ ژی نەراوستیان دەست ب پرۆسێسا نەنفالێ کر ، دڤێتن رۆلێ بەرگری ملی د شۆڕشا گولانێ دا نە هێتە ژبیر کر وەکو هێزەکا رێکخستی وگەلەک شەهید ژی یێن دان مل ب ملێ پێشمەرگەیی ڤە وەکو هێزەکا پشتەڤان وهاریکار، دیسان رۆلێ ئەوان ژنیێن وەلات پاڕێز وشۆڕشگێر ژبیر نەکن ئەوێن شەڤێن دڕێژ تاری وتلچاڤ و بەفرو باران وسڕۆ سەقا زڤستانێ مژویلی نان پەحتنێ و جاران ژی بالاڤدکر و جلێن مە ژی دشوشتین و جاندکێ مە ژی تژی نان دکر ئەو پارزینکێ ب پشتا وانڤە ل وان سپێدەهێن زوی ژ ڤی گەلی بو گەلیێ دیتر وهشار هشار ب هێجەتا خوارنێ بو شڤانی وە ئەم دپاراستین ،دڤیا ئەم وان شۆڕشگێران ژبیر نەکن یێن ب هەیڤانە پێشمەرگێن بریندار دناف مالان وە ندا جارەسەری وەر دگرت وزێرەڤانی ژی لێ دکر ، ئەڤێن مە ئیشارەت پێدان قەد رۆلێ وان ژیێ پێشمەرگەیی کێمتر نەبو ،دوماهییێ بەژنا خوە ژ روحا وان شەهیدان را دچەمینم ژ دەولەت سەرێ وان ئەم گەهشتن ئازادیا ئەڤرۆ….