بڕیارە ئەڤرۆ سەرۆکێ بەرێ یێ ئەمریکا بهێتە دادگەهکرن و ٣٤ تۆهمەت رووبروویێ وی بهێنەکرن کو گرنترینا وان بەرتیلدانە ب ئەکتەرەکێ پۆڕنی بۆ بێ دەنگبوونێ، دگەل سەختەکرنا پەرێن بازرگانیێ، پارێزەر وی ژی دبێژیت، “ڕەوشا دەروونی یا ترەمپی گەلەک باشە”.
دۆنالد ترەمپ، سەرۆکێ بەرێ یێ ئەمریکا دچیتە بەردەریێ دادگەها لوار مانهاتن ل باژێرێ نیویۆرک و دادگەهێ بڕیار دایە د دەما دادگەهکرنێ دا چ کەنال و رۆژنامەڤانەک بەرهەڤ نەبیت و وێنەیێ وی نەگریت.
ل گۆر میدیایێن جیهانی، دادگەهـ ٣٤ تۆهمەتان رووبروویێ ترەمپی دکەت کو سەرەکیترینا وان بەرتیلدانە ب ئێک ژ ئەکتەرێن پۆرنێ هەتا کو بەحسا پەیوەندیا خۆ دگەل تڕەمپی نەکەت و نەبیتە ئەگەرێ کێمکرنا دەنگێن وی د هەلبژارتنێن سالا ٢٠١٦ێ دا، هەڤدەم، ترەمپ رووبروویێ چەند تۆهمەتێن دی دهێتەکرن وەکی سەختەکرنا پەرەوتۆمارێن بازرگانی.
ب بڕیارا دادگەها لوار مانهاتن ترەمپ بێی دەستەسەرکرن دچیە دادگەهێ و ل دەما دادگەهکرنێ دا ل جهێ تاوانباری نا ڕاوەستیت و چ وێنەیێن وی ناهێنە گرتن و رێکێ ب وێنەگرێ دادگەهێ ژی نادەن وێنەیان بگرن هەتا پشتڕە ل دژی ترمپی بکار نەئینن.
Comments are closed, but trackbacks and pingbacks are open.