بێوارحسێن زێباری
ئەگەر ئەم تیشک بێخینە سەر بابەتێن ڤان وەلاتێن دەردوورێ خۆ دبینن چ گومان تێدانینە هەموویان ئێک بەرژەوەندی هەیە ، ئەو ژی وان تنێ دڤێت ژناڤچوون و نەمان و لاوزاکرنا کەسێ کوردە.
هەردەما کو ژلایێ وانڤە یێ لاواز بیت ل وی دەمیدا ئەو خوە ل قوپیتکێ دبینن ، ئەگەر هاتوو کورد ب هەموو تۆخم و توژیناڤە ئێک گرتی بن، ل وی دەمیدا ب چ ڕەنگان ئەو نەشێن هندی سەرێ دەڕزیکی ژی زیام نگەهینە مللەتێ کورد ل چ جهەکێ بیت، بەلێ بەڕۆڤاژی دبینن کو ئەو ب کەیڤا خوە یێ یارییێ ب مە دکەن.
ڕاستە وەلاتێن دڕاوسێ مە بڤێت و نەڤێت بۆ مە دگرنگن هەم ژلایێ سنووریڤە هەم ژی ئێمناهیی و خۆشگوزەڕانی و بوارێن دیتر ژی، هەردەما وان ئارامی بیت بێگومان مە ژی ئالۆزی یا کێم هەبیت لسەر ئاخامە ، بەلێ ئەڤە د چ دەمدا دبیت ؟ ئەو ژی لایەنێن مە ئانکو گشتی کورد خۆڕاگر و ئێک هەڵویست بن.
لسەر بایکوت و نە بایکوتکرنێ ژی ئەڤە دەمەکە زۆر بەحس ڤی بابەتی دهێتە کرنێ، ئەو ژی پشتی ئەو هێرشین ڤێ داوی یێن ژلایێ ئیران و وان گرۆپێن پیس و چەپەلڤە بەڕەڤ هەولێرا خۆڕاگرڤە دهێن هاڤێن ، بوونە ئەگەرێ ک دەستدان و زەڕەڕ و زیانێ بۆ وەلاتیان ، بەلێ ئەڤە نابیتە ئەگەر کو وەلاتیێن مە ترس بکەڤیتە دلێ وان بەڕۆڤاژی تەڤایا باژێر و باژێرکێن کوردستانێ و هەتا بگرە دەرڤە ژی ڕابوونە لسەر خۆ بۆ ئیدانەکرنا وان هێرشان .
لێ یا من دڤێت زێدەتر لسەر بەحس بکەم ئەوە کو وەلاتیان دڤییا بایکوتا کەل و پەلێن ئیرانێ بکەن ، ڕاستە ئەڤە ژی ئێکە ژ وان کارتێن ددەستێ مە دا بەلێ دگەل ڤێ چەندێ دڤییابەحس تورکیا ژی کربا چونکی ڕۆژانە ئەو ژی بەردەوامە لسەر بوردومانێن خۆ لسەر گوند و سنوورێن مە بوویە ئەگەرێ ترس و هێلانا گوندێن مە و دیسا دەستدانا خۆشتەڤیێن مە ژی لەوما گرنگە ئەو لایەنێ دڵ ب کوردستانێ نەبیت خۆ ئێک ژ لایەنێن مە ژی یێن کوردا بن دڤێت مللەت بۆ مەهێلیت و مافێ وانە و هەردەم کورد دێ سەرکەفتی بن ب ئێک ڕێزی و دروستکرنا بەرەیەکێ نیشتمانی و نەتەوەیی.
Comments are closed, but trackbacks and pingbacks are open.