بێوارحسێن زێباری ــ هەولێر:
ئەگەر خاندنەکێ بکەین چو جوداهییەک نینە لهەمبەری مرۆڤایەتی و نەتەوە و ئاین و هەر کەلتوورەکێ دی یێ جهیانێ،
چونکی هەموو کەس مرۆڤن بەلێ هندەکا دبینن زێدەتر ژ هندەک دی ماف و دەستکەفت هەنە و گەهشتنە مافێن خوە یێن رەوا و یێن دەستوری.
لێ یا من دڤێت زێدەتر تیشک بێخمە سەر ئەوە کۆ دنوکە دا پتریا وەلاتێن عەرەبی و هەتا بگرە ژی هندەک مامۆستایێن ئاینی و کەسانێن ل کوردستانێ ژی دژین تنێ ئاخفتن و گوتنێن وانا پەیڤا ” فەلەستینە” .
و دبیژن ماف مافێ وانا یە ببیتە دەولەت و دەولەتا خوە هەبیت . من لسەر ڤێ گوتنێ چ رەخنەیە و نەرازیبوونەک ژی نینە ، لێ یا من تنێی دڤێت بەحس بکەم ئەوە بۆچی کەس نابێژیت کوردان ژی ژبلی هەبوونا دەولەتەکێ کۆ بوونە ٤ پارچە و ژبلی وان کەسێن دەربەدەر بووی کەس هەتا نوکە ژی ب دروستی بەرەڤانی ژێنەکریە و ناکەن ژی .
هەر کۆمبوونەک یان خرڤەبوونەکێ و هەتا پۆستین زۆرا ژی یین تورێن کومەلایەتی بووینە ئەو بێ کۆ هزر یان ژی ب پەیڤەکێ بەرەڤانیا ئاخ و گەل و وەلاتێ خۆ بکەت و ناکەن ژی .
راستە کوشتن و شەر و دەربەدەریا چ کەس و لایەنان مرۆڤ پێ کەیف خوەش نابیت لێ دڤێت وەها ئەو بەرەڤانیێ د هەر نەخۆشیەکا ب سەرێ کوردان ژی دهیت ئەو بێنە سەر خەت بۆچی هەر گەل و وەلاتەکێ مافێن خۆ یێن رەوا هەنە و مە نینە دڤێت ئەڤ کەس ژی بزانن و راوەستاندنەکێ بکەن بۆ گەهاندن و بدەستڤەئینان زێدەتر ژ وی قەبارێ گەهاندنا مافێن خۆ بکەن و بۆ هندێ دا زێدەتر خەلکێ مە رەزیل و زەلیل نەبیت و زیدەتر نەهێنە خاپاندن ب هندەک بەرژەوەندیین تاکەکەسی و بەرتەسک و دڤێت ئەڤ جیلێ نوکە ب زانستیانە سەرەدەریێ دگەل هەر بارودوخەکێ بکەن یێ گونجایی بۆ هندێ هەتا وان مەلا و ماموستا و سەنتەر و هەر لایەک ژلایێ خۆ ڤە ببیت مینبەرەکا روون و گەش بۆ گەهاندنا پەیامەکا نەتەوەیی و دوویر ژ هەر ناکوکیەکا دروست بووی و دروست دبیت ژی بەرهندێ پێدڤییە ئەڤ کەسین هەنێ بەرەڤانیا هەر چ نەبیت مافێ زرۆکێن کوردا بکەن .
ئەگەر زارۆکی چو ماف نەبن ئەوا دگەهیتە قویناغا پێگەهشتنی و مەزن دبن ئەو مافێ یێن بچووک ژی هەی دێ لێ هێنە ستناندن یان ژی سنور دارکرن ولەوما پێدڤییە خەلک پتر فێری پەروەرەدەکرنا هەستا نەتەوەیی و هەردەما ئەڤ هەستا نیشتیمانی و پەروەردەیی و نەتەوەیی هەبیت ل وی دەمی دەولەتەک ب ئەکادیمی دهێتە ئاڤاکرن و وان پڕسگرێن هەی ژی دهێنە کێمکرن یان ژی نامینن لسەر نەتەوێ کورد.
دبینن چەندین سالە خەلکێ مە د ڤان دەردو نەخۆشیاندا و رۆژ ب رۆژ کاودان و ئالۆزی ب سەر وان دا دهێنە ئەنجامدان بێ کۆ چو دەولەتەکا موسلمان بکاریت یان ژی گوت بیت ب ئاشکرایی کۆ نابیت ئەڤ ئالۆزیە زێدەتر بەردەوامبن لسەر میللەتی کورد و بێ کۆ چ پێنگاڤ و بەرنامەک ژی هاتبیتە رێکخستن و بێ دەنگ.
شەرێ غەززە ژی نەیێ نویە و هەموو دزانن ژی کۆ ئەو هاوکێشە جەوایە و چون دروست بوویە و جەوا ژی هەڤدژی ئێک راوەستیانە لێ پشتی شەرێ نوکە بەریا چەند رۆژا هاتییە روودان هەموو کەسا دڤیا وەک گوتن ب پێخاس بەرەڤ شەری بچن بەلی کەس ژی بەرهەڤ نینە .
لێ یا من دڤێت بۆچی بەحس و باس ناکەت وەک مافەک رەوا و دەستوری و مرۆڤایەتی کۆ هەر چ نەبیت ئەڤ قەیرانێن ب سەر میللەتێ کورد ژلایێ عیراقی ڤە دهێنە سەپاندن بێ کەس و لایەنەک یان ژی وەلاتێن عەرەبی بەحس بکەن .
لێرە دا دیار دبیت کۆ کوردا ئەو هێز و خۆ راگری هەیە بەرامبەر هەر میللەتەکێ دی یێ بێ حەق و بێ پرس کۆ مایێ خوە دەستکەفتێن کوردا بکەن و ئالۆزیێ دروست بکەن ژی ئەو بخوە هەموو لسەر پێیان راوەستان و مانە ژی کۆ هەر رۆژەک بهێت ئەو دەستکەفتێن هەی بپارێزن و یین مایی ژی بگەهنە وان ماف و دەستکەفت و بپارێزن .
لەوما مە بەحس شەر و ئالۆزیێن شەرێ فەلستین کر دگەل کوردا چو جوداهییەک هەیە . دڤێت خەلک ژی ڤێ چەندێ بزانن بۆ چی ئەڤ دەولەتە پەیام و هاتنە سەرخەت لسەر وان ئالۆزیان و بێ کۆ چو پەیڤەکێ بەحس ماف و دەستکەفتین کوردا بکەن و بۆهندێ مە ب کورتی بەحس وان دوو لایەنان و ەان گرێیان کر کۆ نابیت دەولەتین موسلمان جوداهییەک هەبیت د نەتەوە دا چونکی هەردوو لا موسلمان بەلێ تنێ کو ئەڤە کوردن بەرهندێ خوە لێ ناکەنە خودان و پشتەڤان .
لێ کوردا ئاناهییا خودێ پێگەهێ خوە گرتی و دێ لسەر خوە بن ژی .
Comments are closed, but trackbacks and pingbacks are open.