نەوزاد محەمەد
گەلی کورد گەلێکی دێرینی ناوچەکە یە، مێژووی دەگەڕێتەوە بۆ ٦١٢ ساڵ پێش زاینی، واتا ئێستا رۆژ ژمێری کوردی لە ساڵی ٢٦٣٥ دایە.
کوردستانی گەورە بە درێژایی مێژوو ناسراوە بە هەبوونی گومەڵێک لە قەوارەی حوکمرانی و دەستهەڵاتە کوردیەکان لە میر و ئیمارە و شانشینەکان.
هەروەها لە بەڵگە مێژوویەکاندا و لە باسی گەلانی ناوچەکە دا هاتووە، کە ناوچە شاخاوییەکان واتا کوردستان، خاوەن گەڵێکی بە هێز و ئیرادەن.
جگە لەوەی گەلی کورد تەواوی خەسلەتەکانی گەڵانی ڕەسەنی تێدا هەیە لە مێژوو و کەلتور و زمان و خاک.
غەدری زەمانە، یان غەدری خودی مرۆڤایەتیە، گەلی کورد تا ئێستاش خاوەن قەوارەی فەری خۆی نیە وەکو دەوڵەتی سەربەخۆ، بە پێچەوانەوە بەردەوام دووچاری دژایەتی چەوسانەوە بووە لەسەر دەستی گەلانی تری ناوچەکە و پیلانی گەورەتر لەسەر دەستی وڵاتە زلهێزەکان.
سەڕەرای ئەو هەموو نەهامەتیانەی بەسەر گەلی کورد دا هاتوون، لە هەوڵی بوژانەوەیان لە ناو گەلانی تری ناوچەکە و سڕینەوەی ناسنامەی نەتەوەیی و کوردایەتیان، بەڵام گەلی کورد توانیویەتی ڕەسەنایەتی خۆی بپارێزیت، لە کەلتور و زمان و داب و نەریتە ڕەسەنە کوردەواریەکان، کە ئەمەیان خاڵی وەرچەرخانە لە قۆناغەکانی مێژوویی دا کە بەردەوام پارێزراوە و بەڵکو زیاتر گرنکی پێدراوە.
ئێستا و لەسەر دەمی قۆناغێکی تری پێشکەوتووتر لە خەباتی سیاسی و دیبلۆماسی و شارستانیەت دا، پێمان وایە گەلی کورد پێویستی بە زمان یان زاراوەیەکی ستاندارتی یەکگرتوو هەیە.
پێویستە لایەنە فەرمیەکان هەوڵی جدی بدەن بۆ ئامادە کردنی فەرهەنگێکی دەوڵەمەند بە زمانی کوردی ئامادە بکات، ئەوەش بە هاوکاری کەسانی ئەکادیمی و پسپۆر لە بواری زمانەوانی کوردی یەوە، کە زمانی دایک خۆی لە خۆیەوە بە هۆی ئەو ژمارە زاراوانەی لە خۆی گرتوون، زۆر دەوڵەمەند و ناوازەیە.
بەو شێوەیە دەتوانرێ زمانی کوردی دەوڵەمەند تر بکرێت و لەسەر ئاستی نێودەوڵەتیش وەکو زمانێکی ستاندارتی فەرمی کوردی بناسێندرێت و کاری پێ بکرێت.
پیرۆزە ڕۆژی زمانی دایک
پیرۆز و نەمر بێت زمانی شیرینی کوردی
Comments are closed, but trackbacks and pingbacks are open.