گرنگیدان ب پرۆژێن حکومەتا هەرێما کوردستانێ ئەڤرۆ سپێدێ رۆژا چارشەمبى 8/ ئادارا /2023 ب ئامادەبونا بەرێزان د.عەلى تەتەر پارێزگارێ دهۆکێ وب ئامادەبونا خەلیل مەحمود دەڤەردارێ سێمێلێ وعومەر عەلى تاها رێڤەبەرێ گشتى یێ پەروەردێ وچەند بەرپرسێن ئیدارى وحزبى بەرێ بنیاتى بو ڤان پرۆژان ل سنورێ دەڤەرداریا سێمێلێ هاتە دانان :-
1- دانانا بەرێ بنیاتى بو ئاڤاکرنا قوتابخانەکا 18 رێزى ل تاخێ حەوشکێ ل سێمێلێ ب گوژمێ ملیارەک و(585) ملیون دینارا.
2- دانانا بەرێ بنیاتى بو سەخبێرکرنا رێکا گوندێ دولبا خارێ وکولانکا مەیدانکا فروشتنا ئاژەلى ب درێژیا 3کم وسەخبێرکرنا رێکا کومەلگەها باوەردێ ب گوژمێ (474) ملیون دینارا.
3- دانانا بەرێ بنیاتى بو نوژەنکرن وبەرفرەهکرنا (30)قوتابخانا ل سنورێ دەڤەرداریا سێمێلێ ب گوژمێ (465) ملیون دینارا.
4- دانانا بەرێ بنیاتى بو چێکرنا رێکێن نافخویى وسولینا ل ناوچەداریا باتێلێ وکونکریتکرنا جادا ل بەرانبەرا ئاڤاهیێ ناوچەداریا باتێلێ و چێکرنا رێکێت نافخویى ل بەرانبەرا تەندورستیا باتێلێ و چێکرنا سولینەکا چارگوشە ل سەنتەرێ باتێلێ ودورستکرنا پارکا بازارى ل کومەلگەها مسێریکێ وچێکرنا رێک وسولینا ل ناڤ کومەلگەها مسێریکێ وچێکرنا رێکێت نافخویى وسولینا ل ناڤ کومەلگەها خانکێ ب گوژمێ ملیارەک و(461) ملیون دینارا.
5- دانانا بەرێ بنیاتى بو نوژەنکرنا چەند بیرێن ئاڤێ ل دەڤەرداریا سێمێلێ وپرۆژێن ئاڤێ ل گوندێ بوسریان وپرۆژێ پاڵدانا ئاڤێ ل مسێریکێ وکولانا چەند بیرا ل تاخێن تەناهى وحەوشکێ ب گوژمێ (908) ملیون دینارا ودانانا بەرێ بنیاتى بو چێکرنا وێستگەهێ پاڵدانا ئاڤێ ل تاخێ شەهیدان ل سێمێلێ وچێکرنا تورا ئاڤێ ل تاخێ موعەسکر دومیز ب گوژمێ (897) ملیون دینارا.
6- دانانا بەرێ بنیاتى بو چێکرنا رێکێت نافخویى وسولینا ل تاخێ شەهیدا ل سێمێلێ ب گوژمێ (609) ملیون دینارا.
ل دور پرۆژان وبەرنامێ ئاڤەدانکرنێ یێ نوو پارێزگارێ دهۆکێ گوت: ئەڤرو مە بەرێ بنیاتى بو کومەکا پرۆژێن خزمەتگوزارى ل سنورێ دەڤەرداریا سێمێلێ دانا ب گوژمێ نێزیکى (9) ملیار دینارا ئەڤ پرۆژە هەموو یێن سالا 2022ێ نە و ل سەر بودجا حکومەتا هەرێما کوردستانێ دهێنە ئەنجامدان هەروەسا ب هاریکاریا رێکخراوا ( GIZ) یا ئەلمانى چەند پرۆژێن ئاڤ وئاڤ رێژا ل سنورێ دەڤەرداریا سێمێلێ ب گوژمێ دوو ملیار دینارا دهێنە ئەنجامدان وبو ساڵا نوو 2023ێ ژى دێ کومەکا دى یا پرۆژێن خزمەتگوزارى وەکو رێک وئاڤ وکاربە وپەروەردە وتەندورستى وکەرتێن دى دێ هێنە ئەنجامدان
Comments are closed, but trackbacks and pingbacks are open.