ب چاڤدێریا پارێزگارێ دهۆكێ رێكا گوندێن (ئامادا – بێخمێ – كانى توزێ) ب درێژیا 21كم هاته ڤه‌كرن
گرنگیدان ب پرۆژێن خزمه‌تگوزارى ئه‌وێن ل ده‌ڤه‌را ئاكرێ دهێنه ئه‌نجامدان ئه‌ڤرۆ سپێدێ رۆژا سێشه‌مبى 3/ كانوونا دووێ/2023 ب چاڤدێریا به‌رێز د.عه‌لى ته‌ته‌ر پارێزگارێ دهۆكێ و ب ئاماده‌بونا بابه‌كر زێبارى شیره‌تكارێ سه‌ربازى ل سه‌روكاتیا هه‌رێما كوردستانێ ومه‌ردان خدر به‌رپرسێ لقێ 9 یێ پارتى وشعبان خه‌لیل ده‌ڤه‌ردارێ ئاكرێ ب وه‌كاله‌ت وچه‌ند به‌رپرسێن حزبى وئیدارى وله‌شكرى رێ ورسمێن ڤه‌كرنا رێكا (ئامادا – بێخمێ – كانى توزێ) هاتنه گێران.
ده‌ڤه‌ردارێ ئاكرێ دپه‌یڤه‌كێدا سوپاسیا سه‌روكێ حكومه‌تا هه‌رێما كورستانێ وپارێزگارێ دهۆكێ كر ل دور ئه‌و گرنگیا ب ده‌ڤه‌را ئاكرێ ده‌ن وخواست به‌رده‌وام ئه‌ڤ جوره پرۆژه بهێنه بجهئینان.
هه‌روه‌سا پارێزگارێ دهۆكێ دپه‌یڤه‌كێدا بناڤێ سه‌روكێ حكومه‌تا هه‌رێما كوردستانێ پیروزباهیا خه‌لكێ ده‌ڤه‌رێ كر وگوت سه‌روك بارزانى ژى هه‌رده‌م ته‌كه‌زی دكر كو گرنگى ب ڤێ ده‌ڤه‌رێ بهێته دان وئه‌ڤ رێكه بهێته چێكرن چونكو رێكه‌كا ستراتیجییه وئاكرێ ب ده‌ڤه‌را خلێفان وسورانڤه گرێده‌ت وپتر ژ18 گوندا دێ مفاى ژێ بینن .
هه‌روه‌سا گوت: نوكه پتر ژ(54) پرۆژا ل ده‌ڤه‌درایا ئاكرێ دهێنه ئه‌نجامدان وبهایێ وان پتره ژ( 43)ملیار دینارا وته‌كه‌زكر بو ساڵا نوو ژى دێ ژماره‌كا پرۆژێن خزمه‌تگوزارى دهه‌موو بیاڤاندا هێنه ئه‌نجامدان.
هه‌ژى گوتنێ یه درێژیا رێكا(ئامادا – بێخمه – كانى توزێ ) 21كم وبگوژمێ (3) ملیار و(826) ملیون دینارا لسه‌ر بودجا حكومه‌تا كوردستانێ و ژلایێ كومپانیا شینال هاتیه ڤه‌كرن وقێركرن.
Comments are closed, but trackbacks and pingbacks are open.