سه‌رۆكێ پێشتر یێ ئه‌مریكا دۆنالد تره‌مپى راگه‌هاند، ئه‌و ئێكانه به‌ربژاره دشێت ئه‌مریكا ژ شه‌رخوازیێن حزبا دیمۆكرات و كه‌ساتیێن توندڕه و یێن حزبا كۆمارى رزگار بكه‌ت.
دۆنالد تره‌مپ د كۆنفرانسێ كۆماریان دا كو ل واشنتۆنا پایته‌خت برێڤه‌چوو راگه‌هاند، ژ سه‌رجه‌مێ هه‌مى به‌ربژارێن هه‌ر دو حزبێن كۆمارى و دیمۆكراتى بۆ هه‌لبژارتنێن سالا بهێت، ئه‌و ئێكانه به‌ربژاره بشێت ئه‌مریكا ژ شه‌رانگیزیێن حزبا دیمۆكرات و كه‌ساتیێن توند یێن حزبا كۆمارى رزگار بكه‌ت.
تره‌مپى هه‌روه‌سا راگه‌هاند، نها خه‌لكێ ئه‌مریكا شه‌ڕى دكه‌ت بۆ رزگاركرنا وه‌لاتێ خۆ ژ وان كه‌سێن وان نه‌ڤێن و گۆت: نها كادرێن توندڕه‌و حزبا كۆمارى برێڤه دبه‌ن.
هه‌روه‌سا دیاركر، ده‌نگده‌رێن ئه‌مریكى ژ وان خێزانان بێزار بووینه یێن د ناڤ هه‌ردو حزبان دا رهێن خۆ داهێلاین.
ل دۆر شه‌ڕێ ئۆكراینا و رۆسیا ژى تره‌مپى دیاركر، ئه‌گه‌ر بله‌ز چاره‌یه‌ك بۆ ڤى شه‌ڕى نه‌هێته دیتن دێ شه‌ڕێ جیهانیێ سێیێ روى ده‌ت.
Comments are closed, but trackbacks and pingbacks are open.