▪ جڤاتا نوونه‌ران ئه‌ڤرۆ دێ خواندنا دووێ بۆ پرۆژه‌ قانونا بودجه‌یێ كه‌ت

فه‌رمانگه‌ها راگه‌هاندنا جڤاتا نونه‌ران به‌لاڤكر، ئه‌ڤرۆ روونشتنا تایبه‌ت ب خواندنا دووێ یا پرۆژه‌ یاسایا بودجه‌یێ دێ هێته‌ كرن.

لدووڤ به‌رنامه ‌و كارێ رووینشتنا جڤاتا نونه‌ران، پشتى لیژنا دارایى راپۆرتا خۆ ل سه‌ر پرۆژه‌ یاسایا بودجه‌یێ راده‌ستى سه‌رۆكاتیا په‌رله‌مانى كرى، ئه‌ڤرۆ ب ئاماده‌بوونا لیژنه‌یێن دارایى، پلاندانان و راژه‌یا فیدرالى ، خواندنا دووێ بوو پرۆژه‌ قانونا بودجه‌یا گشتى یا سالا 2023 و 2024 و 2025ێ دێ هێته‌ كرن.

لدووڤ راگه‌هاندنێ، رووینشتنا جڤاتا نونه‌ران ل ده‌مژمێر 8:30 ده‌قه‌یێ ب شه‌ڤ دێ ده‌ستپێكه‌ت و دهێته‌ چاڤه‌رێكرن پشتى خواندنا دووێ ده‌نگ ل سه‌ر بهێته‌ دان.

ئه‌ڤه‌ دده‌مه‌كێدایه‌، رۆژا 4ێ ڤێ مه‌هێ جڤاتا نوونه‌ران بێى ئاماده‌بوونا محه‌مه‌د حه‌لبووسى سه‌رۆكێ په‌رله‌مانى خاندنا ئێكێ یا پرۆژه‌ یاسایی ئه‌نجامدا.

قه‌بارێ بودجه‌یێ ب گشتى 198 ترلیۆن دینارن، و پشكا هه‌رێما كوردستانێ 12.6ترلیۆن دیناره‌.